ەلباسى ماقالاسى بولاشاعىمنىڭ جارقىن بولاتىندىعىنا سەنىمىمدى كۇشەيتى - تاۋەلسىزدىك قۇرداسىنىڭ پىكىرى
«مەملەكەت باسشىسىنىڭ ماقالاسىن وقىعاننان كەيىن الداعى ومىرىمە، بولاشاعىمنىڭ جارقىن بولاتىندىعىنا سەنىمىم كۇشەيە ءتۇستى. مەنىڭشە، پرەزيدەنت ءاربىر وتانداسىنىڭ ارمان-تىلەگى قانداي ەكەندىگىن وتە جاقسى بىلەتىن سياقتى. ەلباسىمىز جۇرگىزىپ وتىرعان ءاربىر رەفورمانىڭ اشىقتىعى ماقالادان دا، اتقارىلىپ جاتقان شارالاردان دا انىق كورىنەدى. ارينە، بۇل رەتتە پارلامەنت پەن ۇكىمەتتىڭ دە ۇيلەسىمدى جۇمىسىن اتاپ وتكەن ورىندى. ولار مەن سياقتى قازاقستاننىڭ ءاربىر قاراپايىم ازاماتىنىڭ ءومىرىن جاقسارتۋعا باعىتتالعان زاڭ جوبالارىن ازىرلەدى»، - دەدى ول.
ونىڭ پايىمىنشا، ەلىمىزدىڭ مەملەكەتتىك قىزمەت ىستەر مينيسترلىگىنىڭ قۇرىلۋى دا جەمقورلىقپەن ىمىراسىز كۇرەستىڭ بەلەڭ الا تۇسكەندىگىن دالەلدەيدى.
«پرەزيدەنت ءوز ماقالاسىندا كاسىپكەرلىك تۋرالى، بيزنەستى دامىتۋداعى ماڭىزدى ءارى نەگىزگى باعىتتاردى قامتىعان كاسىپكەرلىك كودەكس تۋرالى پىكىر ءبىلدىردى. ماسەلەن، ءوزىم كاسىپكەرلىك سالاسىندا جۇمىس ىستەگەننەن كەيىن بيزنەستى قولداۋ مەن قورعاۋدى قامتاماسىز ەتۋ اسپەكتىلەرىنىڭ تابىستى جۇمىس ىستەيتىن ەكونوميكانىڭ كەپىلى بولا الاتىندىعى قۋانتادى. ءدال وسى جايت مەنى ىنتالاندىرا تۇسەدى. قازاقستان شيرەك عاسىردىڭ ىشىندە كوپتەگەن ەلدەر عاسىرلار بويى قول جەتكىزە المايتىن بيىكتىكتى باعىندىردى. مۇنىڭ بارلىعى تاۋەلسىزدىك قۇرداسى مەنىڭ كوز الدىمدا وتۋدە»، - دەدى ا. توعاي.
اۆتور: مارلان جيەمباي
