قازاقستان سۋتەگى بومباسىن سىناقتان وتكىزگەن ك ح د ر- دىڭ ارەكەتىن ايىپتايدى
«2016-جىلدىڭ 6- قاڭتارىندا كورەي حالىقتىق-دەموكراتيالىق رەسپۋبليكاسى سۋتەگى بومباسىنىڭ سىناقتارى ءساتتى وتكەندىگىن مالىمدەدى.
وسىعان بايلانىستى، قازاقستان ب ۇ ۇ قاۋىپسىزدىك كەڭەسىنىڭ 1718 (2006)، 1874 (2009)، 2087 (2013) جانە 2094 (2013) قارارلارىنا قايشى كەلەتىن ك ح د ر- دىڭ وسىنداي ءىس-ارەكەتىنە تۇپكىلىكتى كەلىسپەيتىندىگىن جانە ءسوزسىز ايىپتايتىندىعىن جاريالايدى»، - دەلىنگەن مالىمدەمەدە.
ۆەدومستۆونىڭ جازۋىنشا، يادرولىق سىناقتارعا جاپپاي تىيىم سالۋ تۋرالى شارتتىڭ (ياسجتش) XIV بابى بويىنشا 9- كونفەرەنتسياسىنا جاپونيامەن بىرگە تەڭ ءتوراعاسى بولىپ تابىلاتىن قازاقستان ك ح د ر- دىڭ بۇل ءىس-ارەكەتتەرى حالىقارالىق قوعامداستىقتىڭ يادرولىق قارۋسىزدانۋعا، جالپى قارۋدى تاراتپاۋ رەجيمىن جانە جاھاندىق قاۋىپسىزدىكتى نىعايتۋعا قوسىپ جاتقان كۇش-جىگەرىنە ەلەۋلى نۇقسان كەلتىرەدى جانە اتالعان شارتتىڭ قابىلدانۋىنا قاتىستى حالىقارالىق قاۋىمداستىقتىڭ جاساپ جاتقان ىستەرگە زيانىن تيگىزەدى دەپ ەسەپتەيدى.
«يادرولىق قارۋدىڭ بۇكىل ناۋبەتىن سەزىنگەن قازاقستان، ءوز ەركىمەن يادرولىق ارسەنالداردى يە بولۋدان باس تارتقان ەل رەتىندە، ب ۇ ۇ باس اسسامبلەياسىندا 29- تامىزدى يادرولىق سىناقتارعا قارسى حالىقارالىق كۇنى رەتىندە جاريالاۋ تۋرالى قاۋلىنى قابىلداعان مەملەكەت رەتىندە، الەمدە يادرولىق سىناقتاردىڭ تولىق تىيىم سالۋدى قۇپتايدى، سونىمەن قاتار ق ح د ر- دى يادرولىق مەنمەندىكتەن باس تارتۋعا جانە جەدەل تۇردە قىتاي، رەسەي ، ا ق ش، كورەيا رەسپۋبليكاسى مەن جاپونيا قاتىسۋىمەن التى جاقتى فورماتتاعى يادرولىق ماسەلە بويىنشا كەلىسسوزدەردى قايتا جالعاستىرۋعا ۇندەيدى»، - دەيدى ق ر س ءى م.
مينيسترلىكتىڭ جازۋىنشا، قازاقستان ۇستانىمى بويىنشا، قاۋىپسىزدىك پەن تۇراقتى دامۋعا كىلتى يادرولىق قارۋ ەمەس، حالىقارالىق قاتىناستاردا بەيبىت كەلىسسوزدەر جانە ءوزارا ءتيىمدى ىنتىماقتاستىق ەكەندىگىنە كامىل سەنىمدى.
«جاھاندىق قاۋىپسىزدىكتىڭ كەپىلى الەمدى يادرولىق قارۋدان ازات ەتۋ ارقىلى قول جەتكىزىلەدى. بۇعان ءبىزدىڭ ەلىمىز بەن 21- عاسىردا ادامزاتتى يادرولىق قارۋسىز قوعام قۇرۋعا شاقىرعان پرەزيدەنت نۇرسۇلتان نازاربايەۆ جۇيەلى ۇندەپ كەلەدى»، - دەلىنگەن مالىمدەمەدە.
