گولوۆكيننىڭ كەزەكتى جەكپە-جەگىنىڭ كۇنى بەلگىلى بولدى
بۇل تۋرالى vesti.kz سايتىنا سىلتەمە جاساپ ماسساگەت حابارلادى.
قازاقستاندىق بوكسشىنىڭ پروموۋتەرى توم لەففلەر كەزەكتى جەكپە-جەكتى نيۋ-يوركتاعى «Madison Square Garden» ارەناسىندا وتكىزۋ تۋرالى ءوتىنىش بەرىپ ۇلگەرگەن. ازىرگە قازاقستاندىق بوكسشىنىڭ قارسىلاسى بەلگىسىز.
گەننادي گولوۆكين 23- ءساۋىر كۇنى جۇدىرىقتاسۋى مۇمكىن بوكسشىلاردىڭ ءبىرى - تۋرەانو دجونسون. 31 جاستاعى باگام ارالدارى وكىلى IBF چەمپيوندىق اتاعىنا مىندەتتى ۇمىتكەرلەردىڭ ءبىرى. سونداي-اق GGG مەنەدجەرىنىڭ تاڭداۋى بويىنشا وزگە بوكسشىلار دا بار. ونىڭ ءبىرى - بريتاندىق بيللي دجو سوندەرس. 26 جاستاعى بوكسشى گەننادي گولوۆكينمەن جۇدىرىقتاسۋ ءۇشىن بەرىلەتىن اقشالاي سىياقى مولشەرىنە كەلىسپەۋدە. ال سپورت ساراپشىلارى بريتاندىق بوكسشىنىڭ بۇل قىلىعىن «جەڭىس ءۇشىن ەمەس، تەك اقشا ءۇشىن جۇىدىرىقتاسپاق، جەڭىلىس تابارىن جاقسى بىلەدى» دەپ باعالاپ وتىر.
WBC وسىعان دەيىن گەننادي گولوۆكين مەن ساۋل الۆارەستىڭ كەزدەسۋىن مىندەتتەگەن بولاتىن. كەيىننەن ەكى بوكسشى دا ءوزارا جۇدىرىقتاسار الدىندا ءبىر-ءبىر جەكپە-جەك وتكىزىپ الۋعا كەلىسكەن ەدى. بوكسشىلاردىڭ كومانداسى مامىر ايىنىڭ سوڭىنا دەيىن ءبىر-بىرىمەن كەلىسسوزدەر جۇرگىزىپ، كەزدەسۋ ۋاقىتىن بەلگىلەۋلەرى ءتيىس. الدىن الا بولجانعانداي، گولوۆكين مەن الۆارەس اراسىنداعى شارشى الاڭداعى شايقاس 2016-جىلدىڭ قىركۇيەك ايىندا ءوتۋى مۇمكىن.
ايتا كەتەيىك، گەننادي گولوۆكين 2015-جىلدىڭ قورىتىندىسى بويىنشا كوپتەگەن تانىمال باسىلىمدار رەيتينگىندە جىلدىڭ ۇزدىك سپورتشىسى رەتىندە تانىلعان. سوڭعى رەت WBN نۇسقاسى بويىنشا ءۇشىنشى رەت «جىل بوكسشىسى» اتانعان بولاتىن.
