ۇلتتىق ۆاليۋتا بانكنوتتارىن قابىلداۋدان باس تارتقان ۇيىمدار جاۋاپكەرشىلىككە تارتىلادى

بۇل تۋرالى بۇگىن ق ر ۇلتتىق بانكىنىڭ باسپا ءسوز قىزمەتىنەن حابارلادى.

كاسىپكەرلىك سۋبەكتىلەرى نەمەسە كوممەرتسيالىق ەمەس ۇيىمدار ق ر ۇلتتىق ۆاليۋتاسىنىڭ بانكنوتتارى مەن مونەتالارىن قابىلداۋدان باس تارتقان جاعدايدا ق ر ۇلتتىق بانكىنىڭ جاقىن جەردەگى فيليالىنا ارىزدانۋعا بولادى.

ۇلتتىق بانك ءوز كەزەگىندە جاعدايدىڭ ءمان-جايىن انىقتاپ، شارا قولدانادى.

ق ر اكىمشىلىك قۇقىق بۇزۋشىلىق كودەكسىنىڭ 206- بابىنا سايكەس، 2016-جىلعى بەلگىلەنگەن ايلىق ەسەپتىك كورسەتكىش بويىنشا ۇلتتىق ۆاليۋتانىڭ بانكنوتتارى مەن مونەتالارىن قابىلداماعان كاسىپكەرلىك سۋبەكتىلەرى مەن كوممەرتسيالىق ەمەس ۇيىمدارعا - 10605 تەڭگە، ورتا كاسىپكەرلىك سۋبەكتىلەرىنە - 21210 تەڭگە، ءىرى كاسىپكەرلىك سۋبەكتىلەرىنە - 53025 تەڭگە كولەمىندە ايىپپۇل سالىنادى.

ەسكە سالا كەتەلىك، 2015-جىلدىڭ 28- قاراشاسىندا ق ر ۇلتتىق بانكىنىڭ باسقارماسى 2006-جىلعى ۇلگىدەگى نومينالى 2000، 5000، 10000 تەڭگە بانكنوتتاردىڭ بىرتىندەپ اينالىستان شىعارۋ مەرزىمدەرىن 2016-جىلدىڭ 3- قازانىنا دەيىن ۇزارتۋ تۋرالى شەشىم قابىلداعان بولاتىن.

كورسەتىلگەن مەرزىمگە دەيىن بۇل بانكنوتتار زاڭدى تولەم قۇرالى بولىپ تابىلادى جانە تولەمدەر مەن بانكتىك وپەراتسيالار ءۇشىن قازاقستان رەسپۋبليكاسىنىڭ بارلىق اۋماقتارىندا قانداي دا ءبىر شەكتەۋسىز قولدانىلادى.

سودان سوڭ 12 اي ىشىندە - 2016-جىلعى 4- قازاننان 2017-جىلعى 3- قازانعا (قوسا العاندا) دەيىن - كورسەتىلگەن اقشا بەلگىلەرى كەز كەلگەن ەكىنشى دەڭگەيدەگى بانكتە ايىرباستالۋعا ءتيىس.

بۇل مەرزىمنەن كەيىن بارلىق قالعان 2006-جىلعى ۇلگىدەگى نومينالى 2000، 5000 جانە 10000 تەڭگە بانكنوتتار 2020-جىلعى 3- قازانعا شەيىن بارلىق ق ر ۇلتتىق بانك فيليالدارىندا ايىرباستالۋعا قابىلداناتىن بولادى. 2020-جىلعى 4- قازاننان باستاپ، بانكنوتتار زاڭدى ەمەس بولىپ تابىلادى.

جوعارىدا كورسەتىلگەن بانكنوتتاردىڭ ايىرباستالۋى تەگىن، كوميسسيا الۋسىز نە ايىرباستاۋ ءۇشىن اقىسىز جۇزەگە اسىرىلاتىن بولادى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى