تاريحي ساتتەر: الماتىدان سويلەپ تۇرمىز
«الماتىدان سويلەپ تۇرمىز!» - دەپ باستايتىن قازاق ديكتورى ءانۋار بايجانبايەۆتى بىلمەيتىن جۇرت كەمدە-كەم. ونىڭ راديوداعى اسەرلى ءۇنىنىڭ كۇشى ءار تىڭداۋشىنىڭ جۇرەگىنە جەتەتىن.
ول الەمگە اتى ايگىلى ديكتور يۋري ليەۆيتاننان كەيىن 1945-جىلعى جەڭىس بۇيرىعىن قازاق تىلىندە تۇڭعىش رەت ەفيرگە وقىعان جان.
اكادەميك-جازۋشى ءسابيت مۇقانوۆ ءا. بايجانبايەۆ جونىندە: «ءاي، وسى انۋاربەك وڭدى، وقىعانى دۇرىس، ول وقىسا سولعىن شىعارمانىڭ ءوزى تورعىن جىبەكتەي قۇلپىرادى»، - دەگەن ەكەن.
ول جاستايىنان تەك ءسابيت مۇقانوۆ قانا ەمەس، باسقا دا بەلگىلى ەل ارداقتىلارى، ونىڭ ىشىندە ساكەن سەيفۋللين، بەيىمبەت مايلين، تايىر جاروكوۆ، جۇماعالي سايىنمەن تانىس-ءبىلىس ەدى. بىردە جاۋىنگەر جازۋشى باۋىرجان مومىش ۇلى پۋبليتسيستيكالىق ماقالاسىن انۋاربەك بايجانبايەۆقا راديودا وقۋىن ۇسىنادى.
بۇل وقيعانى كۇمىس كومەي ديكتور بىلايشا ەسكە الادى: «باۋكەڭ ادەبي دۇنيەنى ءوزى دە ادەتتە قۇلپىرتىپ وقيتىن ەدى. سوندا دا جاۋجۇرەك باتىر ۇلاننىڭ ماقالاسىن مەنىڭ وقۋىمدى قالاعانى ءوزىمدى قاتتى تەبىرەنتىپ، كوڭىلىمدى ءوسىرىپ جىبەردى.
باتىر اعا سەنىمىن قالاي ادەمى اقتاپ شىقسام ەكەن دەپ ءبىراز دايىندالدىم. ەڭبەك زايا كەتپەدى. ماقالا وقىلىسىمەن-اق، باۋكەڭ دەرەۋ تەلەفون سوعىپ: - جارايسىڭ، انۋاربەك، ءوز ماقالاما ءوزىمنىڭ ساي-سۇيەگىم سىرقىراپ كەتتى عوي. كوپ جاسا! پونياتنو تەبە، - دەدى. نازارلارىڭىزعا قازاق راديوسىنىڭ داۋىلپاز داۋىس يەسى انۋاربەك بايجانبايەۆتىڭ ەكسكليۋزيۆتى فوتوسۋرەتتەرىن ۇسىنامىز.
قازاقستاننىڭ حالىق ءارتىسى، ايگىلى ديكتور انۋاربەك بايجانبايەۆ 
قازاق راديوسىنىڭ ديكتورلارى: وتىرعاندار (سولدان وڭعا قاراي) مينا سەيىتوۆا، زامزاگۇل ءشارىپوۆا، قاتيرا ازىمبايەۆا؛ تۇرەگەپ تۇرعاندار: انۋاربەك بايجانبايەۆ، مۇقاعالي ماقاتايەۆ، اسمان دۇيىمبايەۆ 
انۋاربەك بايجانبايەۆ پەن زامزاگۇل ءشارىپوۆا 
ءا. بايجانبايەۆ اۆتورلار اراسىندا 
قازاق راديوسىنىڭ بەلگىلى ديكتورى ساۋىق جاقانوۆا ءا. بايجانبايەۆ قازاق راديوسى ستۋدياسىندا قوناقتا 
ءا. بايجانبايەۆ جاس ديكتورلار اراسىندا
ديكتورلار ءا. بايجانبايەۆ پەن س. جاقانوۆا كەزەكتى حابار وقۋ جونىندە پىكىر الىسۋدا 
قازاق راديوسىنىڭ ديكتورلارى: وتىرعاندار (سولدان وڭعا قاراي) حۋريات مۋسايەۆا مەن ليديا بوريسوۆنا تيۋلمەنكو؛ تۇرەگەپ تۇرعاندار: ساۋىق جاقانوۆا، سينا ۆاگنەر، تامارا وك ەن 
قازاق راديوسىنىڭ ديكتورلارى ساۋىق جاقانوۆا، انۋاربەك بايجانبايەۆ، مامبەت سەرجانوۆ جانە قازاقستاننىڭ ەڭبەك سىڭىرگەن ءارتىسى نينا سميرنوۆا 
ديكتورلار ز. كوستيۋكوۆا، ءا. بايجانبايەۆ، م. سەيىتوۆا 
ءا. بايجانبايەۆ قازاق راديوسى ديكتورلارى اراسىندا 
قازاق راديوسىنىڭ كوللەكتيۆتى ءبىرىنشى ماي دەمونستراتسياسىنىڭ جۇرگىزىلگەن رەپورتاجدان كەيىن
ماقالا سۇلەيمەن اقتايەۆتىڭ «داۋىلپاز داۋىس» كىتابىنان الىندى
