ادامداردى وزىمە قالاي قىزىقتىرسام بولادى؟
1. وزىڭە دەگەن سەنىمدىلىك. ءوزىن بايسالدى ۇستايتىن كىسىلەر قوعامدا ءارقاشان بايىپتى قابىلدانعان. سول سەبەپتى ونداي كىسىلەر وزگەلەر تاراپىنان كوپ ىقىلاسقا بولەنەدى. ال ەگەر وزىڭە سەنىمدى بولماعان جاعدايدا نە ىستەۋگە بولادى؟ ونداي ساتتە ءسىز جاي عانا ءوزىڭىزدى سەنىمدى ادام سەكىلدى ۇستاۋعا تىرىسىڭىز. تىك ءجۇرىپ، ءدوپ باسىپ سويلەسەڭىز جەتىپ جاتىر.
2. ءوي-ءورىستى دامىتىپ، ءبىلىم سۋىنان ءنار الىڭىز. كىتاپ، گازەت، جۋرنال، عالامتور جاڭالىقتارىن وقىڭىز. قوعامدا قانداي وزگەرىستەر بولىپ جاتقاندىعىنان حاباردار بولىڭىز. ەگەر ءسىز وسى قاعيدانى جاقسىلاپ تۇرىپ بەكىتىپ، مىعىم ۇستاناتىن بولساڭىز، كەز كەلگەن اداممەن اڭگىمە- دۇكەن قۇرۋ وڭايعا تۇسەدى.
3. سۇيىكتى ىسپەن اينالىسۋ. ءوزىڭىز قىزىعاتىن ىسپەن اينالىسىڭىز. مىسالى، فۋتبول، باسكەتبول، توپتاما جيناۋ، سۋرەت سالۋ، يوگا، ءبي ت. س. س. حوببي ول تەك جەكە مۇددەگە عانا كەرەك ەمەس، سونىمەن قاتار تانىس ادامىڭىزبەن ورتاق دۇنيە ارقىلى جاقسى قارىم- قاتىناس قالىپتاستىرۋ بولىپ تابىلادى.
4. كەڭەس كىتابىن جاساۋ. جوعارىداعى امالداردى قولدانعاننان كەيىن سىزدەن مىندەتتى تۇردە تاماشا اڭگىمەلەسۋشى شىعادى. سول سەبەپتى ءسىزدىڭ دوستارىڭىز، تانىستارىڭىز سىزدەن كەڭەس سۇراۋعا ءجيى ات باسىن بۇرىپ تۇرادى. سوندىقتان ءوزىڭىز پايدالى دەپ تاپقان اقىل- كەڭەستەرىڭىزدى ءبىر داپتەرگە جيناقتاپ، تولىقتىرىپ جۇرگەنىڭىز ابزال. سىزگە بولماسا دا وزگە بىرەۋگە ءبىر پايداسى ءتيىپ قالارى انىق.
5. جاقسى ءازىل- قالجىڭ ايتۋ. جاقسى ازىلدەي ءبىلۋ - تارتىمدى ادامنىڭ ەڭ باستى قاسيەتتەرىنىڭ ءبىرى.
6. ءوزىمشىل بولماڭىز. اڭگىمە كەزىندە ادام ءوزى تۋرالى اڭگىمەلەي بەرەتىن بولسا، ول اڭگىمەلەسۋشىنى كەيىتىپ، شارشاتىپ جىبەرۋى مۇمكىن.
8. سوزدىك قورىن كوبەيتۋ. «جاقسى تاۋىپ ايتار، جامان قاۋىپ ايتار» دەمەكشى، سويلەگەن ءسوزىڭىز ءماندى دە، ءساندى بولۋى شارت.
8. ءوزىڭىزدىڭ جەكە پروبلەماڭىزدى وزگە بىرەۋگە ءتىس جارماڭىز.
9. بىرەۋدى قىزىقتىرۋ ماقساتىندا وسەك ايتۋ ۇلكەن قاتەلىك. بۇل ءسىزدىڭ ابىرويىڭىزعا نۇقسان كەلتىرەدى. ادامدار سىزدەن قاشقاقتايتىن بولادى.
