قازاقستاندا ازىق-تۇلىك باعاسى رەكوردتىق كورسەتكىشكە جەتتى - فوتو
بۇل بىلتىرعى باعامەن سالىستىرعاندا الدەقايدا جوعارى.
اتالعان سيفردىڭ قانشالىقتى راس ەكەنىن كوزبەن كورۋ ءۇشىن NUR. KZ تىلشىلەرى الماتى بازارلارىن ارالاپ، ونداعى شەتەلدىك جانە ەلىمىزدە وندىرىلەتىن ازىق-تۇلىكتىڭ باعاسىن نازارلارىڭىزعا ۇسىنادى.
1. ەت دەگەندە بەت بار ما دەمەكشى قازاقتىڭ باستى اسى سانالاتىن ەتتىڭ باعاسى راسىمەن دە 40 پايىزعا دەيىن كوتەرىلگەن. ونىڭ ىشىندە جىلقى ەتىنىڭ 1 كەلىسى ياعني، جۇمساق قازى مەن جايا 2500 تەڭگەدەن جوعارى تۇرادى. كۇزدە 1 كەلى قازى-1800 تەڭگە توڭىرەگىندە ساۋدالانعان بولاتىن. ال، سيىر مەن قوي ەتتەرى 1500-1700 تەڭگەدەن. تاۋىق ەتتەرىنىڭ 1 كەلىسى شىعارۋشى كاسىپورىنعا بايلانىستى 900-1100 تەڭگەنىڭ اراسىندا.
2. باعاسى قاتتى شارىقتاعان تاعامنىڭ كوش باسىندا جۇمىرتقا تۇر. 1 دانا فابريكا تۇقىمى 45 تەڭگە بولسا، ۇيدە وسىرىلگەن تاۋىقتىڭ جۇمىرتقاسى كولەمىنە قاراي 60-70 تەڭگە.
3. ىرىمشىكتىڭ شەتەلدەن اكەلىنەتىن جانە وتاندىق وندىرۋشىلەر شىعاراتىن تۇرلەرى دە 500 -1000 تەڭگەگە قىمباتتاعان. ەڭ ارزان ىرىمشىك - 2500 تەڭگەدەن باستالادى.
4. جاڭا جىلدىق داستارحاندى جەمىس-جيدەكسىز ەلەستەتۋ قيىن ارينە. الايدا الماتىنىڭ اپورتى 400-500 تەڭگەدەن، تاشكەنتتىڭ ءجۇزىمى -1200 تەڭگە، اپەلسين تۇرىنە بايلانىستى 600-1000 تەڭگەگە، ءمانداريننىڭ كەلىسى -550-750، بانانىڭ 1 داناسى -120، اناناستىڭ 1 داناسى -1000 تەڭگەدەن ساۋدالانۋدا.
5. كوكونىستىڭ ءتۇر-ءتۇرى سورەدە سامساپ تۇرعانىمەن قاۋلاعان ساتىپ الۋشىنى كورە المادىق. وعان سەبەپ، قياردىڭ 1 كەلىسى -1200 تەڭگە، قىزاناق -1500 تەڭگە، ءتۇرلى-ءتۇستى بۇرىشتار -1000 تەڭگەدەن جوعارى تۇرادى. ساۋداگەرلەردىڭ سوزىنشە قۇنى شارىقتاعان كوكتاتتى قازىر قاراپايىم حالىقتىڭ قالتاسى كوتەرمەيدى. ساۋدانى تەك بايلار مەن قىمبات مەيرامحانالار عانا ۇستاپ تۇرعان كورىنەدى.
6. ال، كەپتىرىلگەن جەمىستەر ورنالاسقان ساۋدا الاڭى بوس دەسەڭىزدە بولادى. جاڭعاق پەن مەيىزدىڭ ءتۇر-ءتۇرى الىستان مەن مۇندالاپ تۇرعانمەن، ساتىپ الۋشىلاردىڭ قاراسى جوق. سەبەبى، وزدەرىڭىز كورىپ وتىرعانداي كەپتىرىلگەن جەمىستەر مەن دانەكتەردىڭ كەلىسى 5400-7500 تەڭگە ارالىعىندا. بۇرىڭعىداي كەلىلەپ الاتىن تۇتىنۋشى بولمايتىندىقتان مۇندا باعا گرمامعا كورسەتىلگەن.
7. الەۋمەتتىك تاعامدار جاعىنىڭدا جەتىسىپ تۇرعانى شامالى. 1 ليتر سۇيىق ماي - 470، كۇرىشتىڭ 1 كەلى - 380، قانت -280 تەڭگەدەن. اتالعان تاۋارلار 2 -3 اي بۇرىن 30-40 پايىزعا ارزان بولعان.
ساۋداگەرلەر بۇرىڭعىداي باعانى ازىق-تۇلىككە جاپسىرىپ قويمايدى. سەبەبى، باعا كۇن سايىن وزگەرەدى دەيدى. سوندىقتان دا ولار ءبىر تاۋاردىڭ اپتانىڭ 7 كۇنىندە 7 ءتۇرلى بولىپ كەلەتىنەن ابدەن شارشاعان.
