اينۇر ورازباي. كيىك عۇمىر زىمىراپ بارا جاتىر
استانا. قازاقپارات - مىنە بۇگىن تاعى ءبىر جىلدى تاريح قويناۋىنا اتتاندىرىپ، جاڭا جىلدىڭ العاشقى كۇنىن باستاپ جاتىرمىز. تىنىمسىز العا جىلجىعان ءومىر كەرۋەنى، ۋاقىت قوزعالىسىنىڭ ءار-ءبىر ساتتەرى اقىنداردىڭ جۇرەگىنە وزگەشە سەزىم سىيلاتىنى راس. وسى ورايدا نازارلارىڭىزعا بەلگىلى اقىن اينۇر ورازباي قىزىنىڭ ءبىر توپ ولەڭدەرىن ۇسىنۋدى ءجون كورىپ وتىرمىز. اقىننىڭ ولەڭدەرى زىمىراپ ءوتىپ بارا جاتقان كيك عۇمىرلارىڭىزدى كوز الدىڭىزعا ەلەستەتىپ، وزگەشە وي سالارى ءسوزسىز.
عاسىر كوشى قىرقادان بارادى اسىپ
سەكنۋىت تىنىم الماي سىرتىلدايدى،
مينۋتتاردى ۇرلاۋدان ءبىر تىنبايدى.
ءار ساتتىك قادامىڭنىڭ باسىلۋى،
ءومىرىڭنىڭ بولشەگى، ۇمتىلمايدى.
ءار مينۋتتار ساعاتتى دۋالايدى،
ساعات كۇندى وكشەلەپ قۋالايدى.
جىل عۇمىردى قىسقارتىپ جاتقانىمەن،
جىلاپ كەتكەن ءبىر ءساتتى سۇرامايدى.
جىل جىلىستاپ بارادى ارتىپ ارمان،
پەندە جوق اۋ مىڭ جاساپ جاتىپ العان.
اقيقاتسىز ءومىردىڭ بارما قۇنى،
ءبىر ساتتىك يمانىڭا تاتىماعان.
پەندەلەردىڭ سكە اسىپ مىڭ ارمانى ،
تىڭ بەلەستىڭ كوبەيىپ سۇراۋلارى.
ىنتىقتىرىپ ءار كىمدى جاڭالىققا،
توبەمىزدەن جىل عۇمىر تىراۋلادى.
قوڭىرقاي تىرشىلىكپەن ارالاسىپ،
اپپاق ايلار جىلدارمەن جاعالاسىپ.
ءومىر تونىن جامىلىپ ارقاسىنا،
عاسىر كوشى قىرقادان بارادى اسىپ.
كيىك عۇمىر زىمىراپ بارا جاتىر!
بوكەن تاعدىر بۇيىرعان دالاما بۇل،
تاۋ تابيعات سيلايدى ساناعا جىر.
جارعا ويناعان جاستىقتىڭ جانارىندا
كيىك عۇمىر زىمىراپ بارا جاتىر.
قوڭىراۋىن سوققاندا ساعان ءار جىل،
مازالايدى جانىڭدى شاعالا جىر.
جەر اۋدارعان اق بۇلىتتىڭ قاباعىندا
كيىك عۇمىر زىمىراپ بارا جاتىر.
ەلدەن شالعاي سالساقتا اراعا جىل،
بالا عۇمىر تاۋىڭدى پانالاپ ءجۇر،
گۇل سيلاعان كوكتەمنىڭ كوركىنە ەرىپ.
كيىك عۇمىر زىمىراپ بارا جاتىر.
تۇيەلى كوش كيەلى دالاما كىل،
نار قۇلاسا ولدا ءبىر «زامان اقىر" .
جاز سيلاعان توسىندە ءتور جايلاۋدىڭ،
كيىك عۇمىر زىمىراپ بارا جاتىر.
كۇز كىرپىگى سيلايدى ساناعا سىر،
نەگە اسىعىپ بارادى مىنا عاسىر.
قايتقان قۇستىڭ جارىسىپ قاناتىمەن،
كيىك عۇمىر زىمىراپ بارا جاتىر.
ءومىر قانشا بولسادا باعالى اسىل،
قارىت ەمەندەي قالجىراپ جاعادا تۇر
قار كوشكىنگە ىلەسىپ كوز ۇشىندا،
كيىك عۇمىر زىمىراپ بارا جاتىر.
دالادا تۇر بول عۇمىر قالادا تۇر،
ار-ۇياتتان ايىرىلىپ ارادا تۇر.
اجال دەيتىن نايزاعاي جارقىلىندا،
كيىك عۇمىر زىمىراپ بارا جاتىر!
اۋىلىم كوشىپ كەلەدى
اۋىلىم كوشىپ كەلەدى تاۋدان اسىپ،
قاي اتانىڭ بالاسى بولعان جاسىق.
قيىر جول، قيامەتتىڭ شاتقالىندا،
كەلەدى اتتى جاياۋ انگە باسىپ.
قيىپ كوشتى تۋعان جەر ءداريانى،
ارتقا تاستاپ اۋىلداس ءار ۇيانى.
ۇستىندە قارا اتاننىڭ سىقىرلايدى،
اق وردانىڭ الپىس كوز شاڭىراعى.
اۋىلىم كوشىپ كەلەدى جاعالاۋمەن،
ەلىم تەكتى تاريحىن باعالاۋمەن.
ءبورى ازىعى جولدا دەپ وسى وڭىرمەن،
تالاي جورىتقان بابامىز قاراگەرمەن.
كوشتىڭ باسى باتار كون جيەگىندە،
الىپ شاردىڭ تولقيدى يەگىندە.
توقسان تاعدىر دومبىرا قازاعىمنىڭ،
كۇي بولىپ اينالىپ جۇر تيەگىندە.
اۋلىم كوشىپ كەلەدى جۋالى مەن،
نۇر قۇيعان ءتاڭىر تاۋدىڭ شۋاعىمەن.
بۇيدا ۇستاعان قارىت انا الاڭداۋلى،
ساعىناما تۇلىگىن تۇراعىمەن....
تۇلكى تۇماق بەلگىسى باسىنداعى،
ءماڭگى جولداس يمانى قاسىنداعى.
ات ۇستىندە اقساقال ىڭىلدايدى،
مۇڭعا جۋىق ءبىر انمەن جاسىنداعى.
اۋىلىم جەتىپ ۇلگەردى جايلاۋىنا،
مالى تولىپ ىرىستى قويناۋىنا،
انام جەرگە سىرماعىن جايىپ جاتىر،
دۇعا تىلەپ بولاشاق تاڭدارىنا.
تىرلىكتىڭ قۇنى
قاراشا قارايدى قالتىراپ،
سىبدىرلاپ ءتۇسىپ تۇر جاپىراق.
جول ءۇستى كولىكتىڭ ىرعاعى ،
كۇن شىقتى شىعىستان شاشىراپ.
ەلىتىپ تىرلىكتىڭ بورانى،
كوشەگە جەتەكتەپ بارادى.
كۇز كۇنى ،سالقىنداۋ سەزىنىپ،
اسىعىپ كەلەمىن شامالى.
اق ساماي شالىسىن پانالاپ،
اۋىر وي سانانى قاجالاپ .
اربانى سۇيرەتىپ كارى اجە
بارادى اسفاليىت جاعالاپ.
اربانىڭ سىقىرلاپ شاناعى،
كىربەڭدەۋ كورىنىپ قاباعى.
جاس ىركىپ بوزارعان جانارى،
جالعانعا مۇڭ شاعىپ بارادى.
سان ويعا ماتالىپ اياعىم،
اجەيگە ابىرجي تايادىم .
ارباعا قول سوزا بەرىپپىن
انا عوي ، تىرلىگىن ايادىم.
و، تىرلىك قاتالسىڭ بىلەمىن،
تالايدىڭ سىزداتقان جۇرەگىن.
اۋماقتى مەڭزەگەن جۇزىنەن
جاقىنىن كۇتەر دەپ تۇر ەدىم...
توقتاتىپ جىلجۋىن اربانىڭ،
تەك جولعا ءتۇسىرىپ سالماعىن.
بۇرىلىپ، ىسقىلاي سويلەدى
سۇپ-سۋىق كونتەرى قولدارىن.
اينالا شۋىلىن دوعاردى،
كارى اجە سويلەۋگە وڭالدى....
-ءومىردىڭ مەن ءۇشىن قۇنى -، دەپ،
اربانى كورسەتىپ جول الدى.
سانامدا ءبىر وي مەن ءبىر كۇدىك،
مەن قالدىم سۇراققا تۇنشىعىپ،
كوز الدان الىستاپ بارادى،
ارباعا بايلانعان تىرشىلىك...
ءومىردىڭ ءمانى نە سونداعى؟
پەندە ءۇشىن مىسال عوي جولداعى .
بايقاماي ءتۇسىرىپ المايىق،
باقىتتىڭ باعاسىن قولداعى.
ءتۇستى ارىپتەرمەن جازىلار
اڭعالدىقتان بولدى بىزدە سان قايعى،
تاريقىمنىڭ بەتى تولعان ازاپ مۇڭ.
ءباز بىرەۋلەر ءزارىن بەرىپ الدادى،
نەسىبەسىن ءوزى تەرگەن قازاقتىڭ.
زۇلىمدىقتىڭ كۇنى ءبىتىپ جوق بولىپ،
جاس بۋىننىڭ باس كوتەردى جىگەرى.
ەل نامىسى، ءان داۋىسى وت بولىپ،
قازاق جەرىن ازات قىلىپ جىبەردى.
ايازدىڭ دا، اجالدىڭدا ءزارى مە،
جەلتوقساننىڭ ون التىسى تىم سۋىق.
ۇلكەن الاڭ تولى جاسپەن كارىگە،
ىزا مەن كەك كەۋدەسىندە بۇلقىنىپ!
.......
سۋداي اقتى كوشە بويلاپ قىزىل قان،
وققا ورانعان ءبىر ءتۇن ءوتىپ بارادى،
ءبىرى قالماي تۋ كوتەرگەن قىز ۇلدان،
باس كەسەردىڭ قولىندا ويناپ بارادى.
تىلدەن، دىننەن، جاقىنىنان ايرىلعان،
قۇرباندىقتىڭ قۇلى بولدىق قاراڭىز.
تەڭدىك بەرەر قانمەن تاسقا جازىلعان،
ءتاۋبا، ءتاۋبا ۇرپاق تۋدى انامىز!
تاڭعى شۋاق كوتەرىلىپ بەيقابار،
زۇلىمدىققا كوزىن سۇرتە قارادى،
كوشە بويلاپ اققان قاندى تايعانار،
ماتور كولىك جۋىپ شايىپ بارادى.
قانمەن جاستىڭ كۋاسى بوپ اقشا قار،
توپىراققا بىرگە سىڭىپ بارادى،
جەمىسىندەي گۇلگە تولىپ باقشالار،
جەلبىرەدى ەركىندىكتىڭ جالاۋى!
بوستاندىعىم تاۋەلسىزدىك تۇعىرىم،
تاريحىما شىراق بولىپ جاعىلار،
بولاشاققا ،مەرەكەلىك ءدۇبىرىڭ،
التىن ءتۇستى ارىپتەرمەن جازىلار!
اينۇر ورازباي قىزى
