رەسەي: ۇشاقتى جارعان توپتى انىقتادىق

ءبىراق ول جارىلىسقا ناقتى قاي توپتىڭ قاتىسى بارىن اشىپ ايتپادى.

بورتنيكوۆتىڭ سوزىنشە، فەدەرالدىق قاۋىپسىزدىك قىزمەتى 31 - قازاندا ۇشاققا جاسالعان تەراكتىنى تەكسەرىپ جاتىر. «ءبىز شابۋىلعا كىم جاۋاپتى ەكەنىن شامالاپ وتىرمىز. مۇنى ناقتىلاۋ ءۇشىن الدا ءالى ءبىراز جۇمىس ىستەۋ كەرەك» دەدى بورتنيكوۆ.

«كوگالىماۆيا» كومپانياسىنا تيەسىلى Airbus-320 جولاۋشىلار ۇشاعى 31 - قازاندا ەگيپەتتىڭ شارم- ەش- شەيح قالاسىنان سانكت- پەتەربۋرگكە ۇشىپ شىققان سوڭ ۇزاماي اپاتقا ۇشىراعان. اپاتتان ۇشاق بورتىندا 224 ادامنىڭ بارلىعى قازا تاپقان. ۇشاققا شابۋىلدى «يسلام مەملەكەتى» ەكسترەميستىك ۇيىمى موينىنا العان.

17 - قازاندا رەسەي فەدەرالدىق قاۋىپسىزدىك قىزمەتى سينايدا قۇلاعان ۇشاققا تەراكت جاسالعانى تۋرالى مالىمدەگەن.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى