قازاقستاندىق بىتىمگەرشىلەر ەكى ەلدە اسكەري بايقاۋشى قىزمەتىن اتقارۋدا - ە. ىدىرىسوۆ
بۇل تۋرالى بۇگىن ق ر پرەزيدەنتى جانىنداعى و ك ق- دە وتكەن بريفينگتە ق ر سىرتقى ىستەر ءمينيسترى ەرلان ىدىرىسوۆ ايتتى.
«قازاقستان بىرىككەن ۇلتتار ۇيىمىنىڭ مۇشەسى رەتىندە الەمدەگى بىتىمگەرشىلىك وپەراتسيالارىن قولداۋعا مىندەتتى. ءبىراق، ءاربىر مەملەكەت بىتىمگەرشىلىك وپەراتسيالارىنا قاتىسۋ جانە قولداۋ ءتارتىبىن ءوزى ايقىندايدى. اعىمداعى جىلى قازاقستان قابىلداعان بىتىمگەرشىلىك قىزمەت تۋرالى زاڭدا ءتارتىبى ناقتى جازىلعان»، - دەدى مينيستر.
ونىڭ اتاپ وتۋىنشە، وسى جىلدارى ىشىندە ەلىمىز ءوزىنىڭ بىتىمگەرشىلىك الەۋەتىن بارىنشا دامىتتى. قازاقستاندىق بىتىمگەرشىلەردىڭ مول تاجىريبەسى بار، دايىندىقتارى دا جوعارى ءارى ب ۇ ۇ- نىڭ بىتىمگەرشىلىك وپەراتسيالارىنا قاتىسۋعا دايىن.
وسى ورايدا ە. ىدىرىسوۆ قازاقستاندىق اسكەري ينجەنەرلەر يراكتاعى بىتىمگەرشىلىك وپەراتسيالارىنا قاتىسىپ، 5 ميلليون مينانى زالالسىزداندىرعانىن اتاپ ءوتتى.
«قازىرگى ۋاقىتتا ءبىزدىڭ بىتىمگەرشىلەرىمىز الەمدەگى بىردە-ءبىر بىتىمگەرشىلىك وپەراتسيالارىنا قاتىسىپ وتىرعان جوق. بىتىمگەرشىلىك وپەراتسيالارى جانىنداعى اسكەري بايقاۋ ينستيتۋتى بار. ءبىز اسكەري بايقاۋشىلارىمىزدىڭ قاتىسۋعا دايىن ەكەندىگىن جانە جىبەرە الاتىندىعىمىزدى ايتتىق. قازىرگى ۋاقىتتا ءبىزدىڭ بايقاۋشىلار ەكى ەلدە، اتاپ ايتقاندا، باتىس ساحارا مەن كوت-د'يۆۋاردا جۇمىس ىستەۋدە. ولار قانداي دا ءبىر اسكەري وپەراتسيالارعا قاتىسپايدى، تەك بايقاۋشى قىزمەتىن جۇرگىزەدى»، - دەدى ە. ىدىرىسوۆ.
اۆتور: مارلان جيەمباي
