پەتروپاۆل پوليتسەيى الەۋمەتتىك جەلى جۇلدىزىنا اينالدى - كەسكىن
وندا زەينەتكەرگە كوشەدە جولدان وتۋگە جاردەمدەسكەن پوليتسەي - بەينەروليك كەيىپكەرى پەتروپاۆل ق. ءى ءى د جول- پاترۋلدىك پوليتسيا باتالونىنىڭ اپات ورنىنا شىعۋ جونىندەگى ينسپەكتورى پوليتسيا لەيتەنانتى تيمۋر ىسمايىلوۆ ەكەن.
بۇل تۋرالى وبلىستىڭ ءى ءى د باسپا ءسوز قىزمەتى حابارلادى.
پوليتسەي سول كۇنگى وقيعانى بىلايشا باياندايدى: «جۇمىس بابىمەن جابايەۆ كوشەسى بويىنشا كەلە جاتتىم. قاراسام «تايگا» بازارىنا قارسى تايعاناق كوشەدە اجەي تاياقپەن جولدان ارەڭ ءوتىپ بارا جاتىر ەكەن. ماشينا تولاسسىز ءوتىپ جاتىر. ۇلكەن سومكەمەن قيىلىسقا دەيىن جەتۋ وعان وڭاي سوقپايتىنىن ءتۇسىندىم. سوسىن جولدان وتۋگە كومەكتەسۋدى ءجون سانادىم. مەن جول پاترۋلدىك پوليتسيا قىزمەتى كيىمىندە بولدىم. جۇرگىزۋشىلەر بىزگە بىردەن جول بەرىپ وتىردى. مۇنى ەرلىك دەپ ساناماس ەدىم».
پەتروپاۆل ق. ءى ءى ب جول- پاترۋلدىك پوليتسيا باتالونىنىڭ كومانديرى پوليتسيا پودپولكوۆنيگى رينات قۇسايىنوۆ جاۋىنگەرلىك، قىزمەتتىك دايىندىق ساباقتارىندا باعىنىستى قىزمەتكەرلەرگە جول پوليتسەيلەرىنىڭ قىزمەتى تەك بۇزۋشىلىقتى انىقتاۋ ەمەس، سونىمەن بىرگە جول قوزعالىسى قاتىسۋشىلارىنا جاردەمدەسۋ ەكەنى ۇنەمى ايتىلاتىنىن مالىمدەدى.
