نەمىس ساراپشىلارى قازاقستاننىڭ حالىقارالىق بەدەلى ارتقانىن اتاپ ءوتتى
بۇل تۋرالى ق ر س ءى م باسپا ءسوز قىزمەتىنەن حابارلادى.
ءوز سوزىندە ق ر- نىڭ گ ف ر- داعى ەلشىسى بولات ءنۇسىپوۆ كەتىپ بارا جاتقان جىلدىڭ ق ر پرەزيدەنتىن سايلاۋ، كونستيتۋتسيانىڭ جانە قازاقستان حالقى اسسامبلەياسىنىڭ 20 جىلدىعى، قازاق حاندىعىنىڭ 550 جىلدىعى، الەمدىك جانە ءداستۇرلى ءدىن كوشباسشىلارىنىڭ V سەزى جانە ت. ب. سياقتى ماڭىزدى ىشكىساياسي وقيعالاردىڭ ماڭىزى مەن ەرەكشەلەگىن اتاپ ءوتتى. ەلدى دامىتۋدىڭ ستراتەگيالىق قۇجاتتارى: مەملەكەت باسشىسىنىڭ «قازاقستان جاڭا جاھاندىق ناقتى احۋالدا: رەفورمالار، ءوسىم، دامۋ» جولداۋى، «نۇرلى جول - بولاشاققا باستار جول» جاڭا ەكونوميكالى ساياساتى جانە «100 ناقتى قادام» ۇلت جوسپارىنا ەرەكشە كوڭىل بولىنگەن.
قازاقستاندىق ديپلومات سونداي-اق قاتىسۋشىلاردى مەملەكەت باسشىسىنىڭ نيۋ-يوركتە ب ۇ ۇ باس اسسامبلەياسىنىڭ 70- مەرەيتويلىق سەسسياسى كەزىندە اتاعان قازاقستاننىڭ 2015-جىلداعى ماڭىزدى سىرتقى ساياسي باستامالارىمەن تانىستىردى. «ەكسپو-2017» حالىقارالىق مامانداندىرىلعان كورمەسىنە دايىندىق، قازاقستاننىڭ 2017-20188 ج.ج. ب ۇ ۇ- نىڭ قاۋىپسىزدىك كەڭەسىنە تۇراقتى ەمەس مۇشە بولۋعا ءوتىنىمى جانە ق ر- دا ماگاتە تومەن بايىتىلعان ۋران بانكىنىڭ اشىلۋى تۋرالى اقپارات جۇرتشىلىقتىڭ ۇلكەن قىزىعۋشىلىعىن تۋدىردى. نەمىس ساراپشىلارى ءوز تۇسىنىكتەمەلەرىندە قازاقستاننىڭ حالىقارالىق بەدەلىنىڭ وسكەنىن جانە ءبىزدىڭ ەلىمىزدىڭ ادامزاتتىڭ جاھاندىق ماسەلەلەرىن شەشۋ بويىنشا سىرتقى ساياسي باستامالارىنىڭ ماڭىزدىلىعىن اتاپ ءوتتى.
شارانىڭ قورىتىندىلارى بويىنشا پىكىرالماسۋلار بولىپ، سونىڭ بارىسىندا قازاقستاندىق ديپلومات قازاقستاندىق-گەرمانيالىق قاتىناستاردى دامىتۋ جاعدايى مەن بولاشاعى تۋرالى اۋديتوريانى قىزىقتىرعان سۇراقتارعا جاۋاپ بەردى.
