اتوم ەنەرگياسىن پايدالانۋعا باعىتتالعان زاڭ جوباسى سەناتتىڭ جالپى وتىرىسىنا شىعارىلادى

وندا كوميتەت مۇشەلەرى «اتوم ەنەرگياسىن پايدالانۋ تۋرالى» زاڭ جوباسىن تالقىلادى.

اتالعان زاڭ جوباسى يادرولىق، رادياتسيالىق جانە ەلەكتروفيزيكالىق قوندىرعىلاردى ورنالاستىرۋ، سالۋ، پايدالانۋ جانە پايدالانۋدان شىعارۋ كەزىندە قاۋىپسىزدىكتىڭ قاعيداتتارى مەن نەگىزگى تالاپتارىن بەلگىلەۋگە باعىتتالعان. بۇدان بولەك، قۇجاتتى قابىلداۋ اتوم ەنەرگياسىن پايدالانۋ كەزىندە قاۋىپسىزدىكتى قامتۋ جانە ونى رەتتەۋدەگى اتوم ەنەرگياسىن پايدالاناتىن مەكەمەلەرگە قاۋىپسىزدىك دەڭگەيىنىڭ تالاپتارىن ورىنداۋعا، ولاردى جۇزەگە اسىرۋعا كەتەتىن شىعىنداردى ازايتۋعا مۇمكىندىك بەرەدى.

بۇدان بولەك، زاڭ جوباسى قورشاعان ورتانى قورعاۋدى كوزدەيدى، ياعني، مەملەكەتتىك ورگاندار مەن ۇيىمداردىڭ جاۋاپكەرشىلىك ۋاكىلەتتىلىگىن ناقتىلاۋ ارقىلى قورشاعان ورتانى قورعاۋدىڭ ءتيىمدى جولدارى قامتىلادى.

 ايتا كەتەرلىگى، بۇگىنگى تاڭدا ەلىمىزدە مەديتسينادا، ونەركاسىپ پەن عىلىمدا قولدانىلاتىن 5 يادرولىق قوندىرعى، 4 راديواكتيۆتىك قالدىقتار قويمالارى، جۇزدەگەن رادياتسيالىق قوندىرعىلار، بىرنەشە مىڭ ساۋلەلەر يوندايتىن نىساندار بار. سونىمەن قاتار، قازاقستاندا اتوم ەنەرگياسىن پايدالانۋ جۇمىستارىن جۇرگىزۋگە 3 مىڭنان استام ليتسەنزيالار بەرىلگەن. اتوم ەنەرگياسىن پايدالانۋ سالاسىندا قىزمەتتەرىن جۇزەگە اسىراتىن ۇيىمدار مەن كاسىپكەرلىك سۋبەكتىلەر سانى دا ارتىپ كەلەدى.

تالقىلاۋدان سوڭ كوميتەت زاڭ جوباسىن پالاتانىڭ جالپى وتىرىسىنا شىعارۋ تۋرالى ۋاعدالاستى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى