بەيجىڭدە قويۋ ءتۇتىن قاۋىپتىلىگىنىڭ «قىزىل» دەڭگەيى جاريالاندى

بەيجىڭدى سەنبىدەن سەيسەنبىگە دەيىن ۋىتتى قويۋ ءتۇتىن باسادى، دەپ بولجايدى بەيجىڭدىك مەتەورولوگيا قىزمەتى.

بۇدان باسقا، قويۋ ءتۇتىن ق ح ر- دىڭ ءىرى اۋدانى - قىتاي ورتالىعىنداعى شيان قالاسىنان سولتۇستىك- شىعىستاعى حاربينگە دەيىن باسۋى مۇمكىن، دەپ ەسكەرتەدى بيلىك.

قاۋىپتىلىك دەڭگەيىنىڭ ارتۋىنان كولىك پايدالانۋ شەكتەلىپ، فابريكالار، قۇرىلىستار جۇمىستارى توقتاتىلادى.

ۇكىمەت ءجيى قاۋىپتى دەڭگەيگە جەتىپ وتىرعان اۋانىڭ لاستانۋىنىڭ الدىن الۋ شارالارىن قابىلداۋعا ۋادە بەردى.

وتكەن دۇيسەنبىدە بەيجىڭنىڭ كەي اۋداندارىندا لاستانۋ دەڭگەيى تەكشە مەترىنە 265 ميكروگراممدى قۇرادى، د د س ۇ ادام ءۇشىن شارشى مەترىنە 25 ميكروگرامم قاۋىپسىز دەپ سانايدى.

وسى جولى قاۋىپتىلىك دەڭگەيى تەكشە مەترىنە 500 ميكروگراممعا جەتەدى دەپ كۇتىلۋدە.

ءتۇتىن باسۋ كومىرمەن جۇمىس ىستەيتىن كاسىپورىنداردىڭ، جىلىتۋ جۇيەلەرىنىڭ شىعارىندىلارى مەن كوپتەگەن قۇرىلىستىڭ شاڭ-توزاڭى سالدارىنان ورىن الىپ وتىرعانى ايتىلۋدا. وسى سەبەپ بويىنشا قاۋىپتىلىكتىڭ «قىزىل» دەڭگەيى 2013 -جىلى نانجيڭدە ەنگىزىلگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى