ايەلدەر بيزنەسپەن ءوز قالاۋىمەن ەمەس، قاجەتتىلىك تۋىنداعان سوڭ اينالىسادى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «ەكونوميكالىق زەرتتەۋلەر ينستيتۋتى» ا ق كاسىپكەرلىكتى دامىتۋ ورتالىعىنىڭ ديرەكتورى نۇرلان قۇلباتىروۆ ءمالىم ەتتى.

«ەلباسى ءوز جولداۋىندا جانە «100 ناقتى قادام» اتتى ۇلت جوسپارىندا ەلىمىزدە كاسىپكەرلىكتى دامىتۋ، ونى قولداۋ جانە ىسكەرلىك احۋالدى ودان ءارى جاقسارتۋعا بايلانىستى بىرنەشە باسىم باعىتتاردى اتاپ كورسەتتى. بۇل باسىم باعىتتار ەلىمىزدىڭ نەگىزگى ستراتەگيالىق باعىتتارى بولىپ تابىلادى»، - دەدى ول.

وسى ورايدا ن. قۇلباتىروۆ ق ر ۇكىمەتى، ۇلتتىق ەكونوميكا مينيسترلىگى رەفورمالاردى باستاپ تا كەتكەنىن ايتىپ، كەز-كەلگەن رەفورمالاردى باستاماس بۇرىن وعان اۋقىمدى اقپاراتتىق- ساراپتامالىق زەرتتەۋلەر جۇرگىزىلەتىندىگىن ەسكە سالدى.

«سونداي زەرتتەۋلەردىڭ ءبىرى وسى «كاسىپكەرلىكتى جاھاندىق باقىلاۋ»، ياعني Global Entrepreneurship Monitor (GEM) دەپ اتالاتىن جوبا. بۇل جوباعا قازاقستان رەسپۋبليكاسى 2014 -جىلى ءبىرىنشى رەت قاتىسىپ وتىر. بۇعان دەيىن 2007 -جىلى ىلكى ۇلگىدە قاتىسقان ەدى»، - دەدى ول.

 ونىڭ اتاپ وتۋىنشە، بۇل جوباعا الەمدىك جالپى ىشكى ءونىمنىڭ 90 پايىزىن قامتاماسىز ەتەتىن 72 مەملەكەت قاتىسادى. ايتا كەتەرلىگى، جوبا بيزنەس ورتانى جاقسارتۋعا بايلانىستى شەشىمدەر قابىلداۋدىڭ تيىمدى قۇرالىنا اينالىپ وتىر.

«قازاقستان - اتالعان جوباعا قاتىسىپ وتىرعان ورتا ازيا وڭىرىندەگى العاشقى مەملەكەت. قازاقستاننىڭ وسى زەرتتەۋ اياسىنداعى العاشقى جەتىستىكتەرىنە توقتالساق، ەلىمىز 13,7 پايىزدىق دەڭگەيدە كاسىپكەرلىك بەلسەندىلىكتى كورسەتىپ وتىر. قازاقستانداعى كاسىپكەرلەردىڭ ۇشتەن ءبىر بولىگى جالاقىعا بالاما رەتىندە نەمەسە جۇمىستىڭ بولماۋى سالدارىنان بيزنەسپەن اينالىسسا، ەرلەرگە قاراعاندا ايەلدەر ءوز قالاۋى ەمەس، ءماجبۇرلى قاجەتتىلىك بويىنشا بيزنەسپەن اينالىساتىنىن مالىمدەگەن. جالپى، ورتا ەسەپپەن العاندا ەلدىڭ جۇمىسقا قابىلەتتى تۇرعىندارىنىڭ شامامەن 13 پايىزى كاسىپكەرلىك قىزمەتپەن اينالىسادى»، - دەدى ن. قۇلباتىروۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى