جانار ايتجانوۆا د س ۇ مۇشەلەرىن اۋىل شارۋاشىلىق ونىمدەرىنە ەكسپورتتىق سۋبسيديالاردى الىپ تاستاۋعا شاقىردى
وندا د س ۇ- ىنا مۇشە ەلدەردىڭ مينيسترلەرى ءسوز سويلەدى. ولاردىڭ قاتارىندا قازاقستاندىق دەلەگاتسيا باسشىسى، ەكونوميكالىق ينتەگراتسيا ىستەرى ءمينيسترى جانار ايتجانوۆا دا بولدى.
«مەن ءۇشىن د س ۇ- نىڭ جاڭا 162- مۇشەسى رەتىندەگى قازاقستاننىڭ ءوز تاۋەلسىزدىگىنىڭ 24 جىلدىعىن اتاپ ءوتىپ جاتقان كۇنى بۇل جەردە ءسوز سويلەگەنىم ۇلكەن ابىروي»، - دەپ باستادى ءسوزىن مينيستر.
«قازاقستاننىڭ د س ۇ- ىنا مۇشە بولۋى ق ر پرەزيدەنتى نۇرسۇلتان نازاربايەۆتىڭ باسشىلىعىمەن جۇرگىزىلگەن باتىل نارىقتىق ەكونوميكا رەفورمالارى جانە ساۋدا ليبەراليزاتسياسى ارقاسىندا مۇمكىن بولدى. بۇعان جۇمىس توبىنىڭ مۇشەلەرىنىڭ ءوزارا ىقپالداسۋى، جاڭاشىلدىعى مەن حاتشىلىقتىڭ ءتيىمدى كومانداسى دا زور ىقپالىن تيگىزدى. قازاقستان ءوز تاۋارلارىن ەكسپورتتاۋ ءۇشىن نەگىزگى نارىقتاردان جىراق جاتقان ىشكى قۇرلىقتىق ەل بولىپ تابىلادى. استىقتىڭ ءىرى ەكسپورتشىلارىنىڭ ءبىرى رەتىندە ءبىز استىقتى قارا تەڭىز ارقىلى ەكسپورتتاۋدا تاسىمال قۇنىنىڭ ءبىر بولىگىن جابۋ ءۇشىن ەكسپورتتىق سۋبسيديالاردى پايدالاندىق.
سوعان قاراماستان، د س ۇ- ىنا كىرۋ ءۇشىن ءبىز ۇيىمعا كىرگەن كۇننەن باستاپ ەكسپورتتىق سۋبسيديالاردى الىپ تاستاۋ مىندەتتەمەسىن قابىلدادىق. بۇگىن ۇيىمعا تاياۋدا كىرگەن ەل رەتىندە مەن د س ۇ مۇشەلەرىن قازاقستاننان ۇلگى الىپ، وسى مينيسترلىكتەر كونفەرەنسياسى ناتيجەسىندە ەكسپورتتىق باسەكەلەستىك بويىنشا، اتاپ ايتقاندا، اۋىل شارۋاشىلىق ونىمدەرىنە ەكسپورتتىق سۋبسيديالاردى الىپ تاستاۋ كەلىسىمىنە كەلۋگە شاقىرامىن»، - دەگەن ءوتىنىشىن ءبىلدىردى ارىپتەستەرىنە مينيستر.
سونداي- اق ول ۇكىمەتتەر مەن كومپانيالاردى استانادا وتەتىن EXPO 2017 كورمەسىنە شاقىردى. ەلىمىزدىڭ 2017-2018 -جىلدارى ب ۇ ۇ قاۋىپسىزدىك كەڭەسىنىڭ تۇقارسىز مۇشەلىگىنە ءوز كانديداتۋراسىن ۇسىناتىنىن دا جەتكىزدى.
مينيسترلىكتەر كونفەرەنسياسى 18 - جەلتوقسان كۇنى تۇسكە دەيىن جالعاسادى. قازاقستاندىق دەلەگاتسيا كوپتەگەن ەلدەرمەن جانە ۇيىمدارمەن ەكىجاقتى كەزدەسۋلەر وتكىزەدى.
