استانادا قىتايدىڭ ءىرى تۋروپەراتورىمەن ىنتىماقتاستىق تۋرالى كەلىسىمگە قول قويىلدى

شارانىڭ ماقساتى - تۋريستىك بەلسەندىلىكتى ىنتالاندىرۋ جانە استانانىڭ، جالپى رەسپۋبليكامىزدىڭ تۋريستىك كليماتىن جاقسارتۋ.

كونفەرەنسيا جۇمىسىنا رەسەي، قىتاي، يتاليا جانە ت. ب. مەملەكەتتەردەن كەلگەن قوناقتار قاتىستى.

شاراعا قاتىسۋشىلاردىڭ ءبىرى - استانا قالاسىنىڭ ينۆەستيتسيالار جانە دامۋ باسقارماسىنىڭ قىزمەتكەرلەرى. شارا اياسىندا ءبىرقاتار قۇجاتقا قول قويىلدى. اتاپ ايتقاندا، «استانا كونۆەنشن بيۋرو» ج ش س قىتاي حالىق رەسپۋبليكاسىنىڭ ءىرى تۋروپەراتورى China Travel Service Hon Kong Limited كومپانياسىمەن ىنتىماقتاستىق تۋرالى كەلىسىمگە قول قويدى.

مەموراندۋم اياسىندا تاراپتار تۋريزم سالاسىندا ۇلتتىق جانە وڭىرلىك تۋريستىك قاۋىمداستىقتار، قوعامدار، فيرمالار مەن كاسىپورىندار جەلىسى بويىنشا، تەڭ جانە ءوزارا ءتيىمدى دامۋ، تۋريستىك رەسۋرستاردى ءتيىمدى يگەرۋگە باعىتتالعان باستامالاردى كوتەرۋ ماسەلەلەرى بويىنشا ىنتىماقتاستىق ورناتۋعا نيەتتى. ەكى جاق ءوز نارىقتارىندا استانا مەن گونكونگتىڭ تۋريستىك پاكەتتەرىن وتكىزۋ، سونىمەن قاتار، ءداستۇرلى تۋريستىك باعىتتاردى قالپىنا كەلتىرۋ مەن جاڭالارىن اشۋ، توپتىق جانە جەكە تۋريزم تۇرلەرىن كەڭەيتۋ تۋرالى كەلىستى، دەپ حابارلايدى astana.kz.

ايتا كەتەيىك، China Travel Service Hon Kong Limited كومپانياسى 1928 -جىلى قۇرىلعان، ق ح ر- دا 100 فيليالى مەن كەڭسەسى بار، سونداي-اق 16 مەملەكەتتە 20 استام وكىلدىگىن اشقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى