بەلگىلى قالامگەر س. دوسجانوۆاعا «قازاقستاننىڭ ەڭبەك سىڭىرگەن قايراتكەرى» اتاعى بەرىلدى

ماراپاتتى بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆا تابىس ەتتى.

«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى كورنەكتى مەملەكەت جانە قوعام قايراتكەرلەرىنە، عىلىم، مادەنيەت، ونەر، ءوندىرىس جانە الەۋمەتتىك سالا وكىلدەرىنە رەسپۋبليكاعا سىڭىرگەن زور ەڭبەگى ءۇشىن بەرىلەدى.

قازاقستان جازۋشىلارى وداعىنىڭ مۇشەسى، قازاقستان رەسپۋبليكاسىنىڭ مادەنيەت قايراتكەرى، اقىن ساۋلە دوسجانوۆانىڭ «وگەي جۇرەك»، «جىر ءتاج»، «ارمان قالا»، «ءۇشىنشى ەسىكتىڭ قۇپياسى»، «جاتقا تۋعان بالا»، «ۇلكەن ۇيدەگى ۇرەي» سىندى كىتاپتارى جارىق كورگەن. سونىمەن قاتار ول «قازاق فيلم» كينوستۋدياسى تۇسىرگەن «مايماق قاز» مۋلتفيلمىنىڭ سەناريىن جازعان.

2003-جىلدان بەرى ق ر پارلامەنتى ءماجىلىسى اپپاراتىندا باسپا ءسوز قىزمەتىنىڭ باس ساراپشىسى بولىپ جۇمىس ىستەيدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى