بيىل العاش رەت «ەڭبەك داڭقى» وردەنى تابىس ەتىلدى
بۇل تۋرالى بۇگىن اقوردادا ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەستەرى جانە قوعامدىق قىزمەتتەرى ءۇشىن ءبىر توپ ازاماتتى جوعارى ناگرادامەن ماراپاتتاۋ راسىمىندە ەلباسى نۇرسۇلتان نازاربايەۆ ايتتى.
«دانا حاقىمىزدىڭ «ەڭبەك پەن باقىت ەگىز» دەگەن ناقىل ءسوزى بار. قازاقستاندا قالىپتاسقان ەڭبەك قوعامىنىڭ بۇگىنگى بەينەسى وسىعان دالەل دەپ ايتۋعا بولادى. سوندىقتان بيىل العاش «ەڭبەك داڭقى» دەگەن وردەن تاعايىندالدى، ول تەك قانا ەڭبەك ادامدارىنا تاپسىرىلادى. ونى بۇگىن تۇڭعىش رەت تاپسىرايىن دەپ وتىرمىز. بۇل وردەننىڭ ءۇش دارەجەسى بار. ءۇش دارەجەسىن بىردەي العان ادام ەڭبەك ەرىنە تەڭەلەدى»، - دەدى ق ر پرەزيدەنتى.
مەملەكەت باسشىسى بۇل وردەنمەن اتىراۋدان كاسپي قۇبىرىنىڭ وپەراتورى ەسەت جۇماعاليەۆ، تەمىرتاۋدان مەتاللۋرگ مۇرات يبرايەۆ، اعا شوپان گۇلدارحان سەيتىمبەكوۆا ماراپاتتالاتىندىعىن اتاپ ءوتتى. اعا شوپاننىڭ الماتى وبلىسىنىڭ قوي شارۋاشىلىعىن وركەندەتۋگە ەرەكشە ۇلەس قوسىپ كەلە جاتقانىن ايتتى.
اۆتور: مارلان جيەمباي
