قازاقستاندىق ەكسپورتتاۋشىلاردىڭ قىتايعا تاۋار ەكسپورتىنا قولداۋ جاسايدى
ايتا كەتەيىك، اتالعان قۇجات قازاقستاندىق اۋىل شارۋاشىلىعى ونىمدەرىن وندىرۋشىلەر مەن ەكسپورتتاۋشىلارى ءۇشىن وزدەرىنىڭ تاۋارلارىن سىرتقى ساۋدا پالاتاسى ارقىلى «جالعىز تەرەزە» قاعيداتى» بويىنشا قىتايعا جونەلتۋگە سەپتىگىن تيگىزەدى. بۇدان بولەك، كاسىپكەرلەرگە قىتاي حالىق رەسپۋبليكاسىنان ينۆەستيتسيا تارتۋ جانە تەحنولوگيالار ترانسفەرىن جۇزەگە اسىرۋ مۇمكىندىگى دە ۇسىنىلاتىن بولادى.
«قازىرگى قيىن- قىستاۋ كەزەڭدە شەت ەلدەرمەن ىنتىماقتاستىق ورناتۋدىڭ ماڭىزى وتە زور. قىتايعا ءونىم جەتكىزۋ كەزىندە قيىنشىلىقتارعا تاپ بولاتىن وتاندىق ەكسپورتتاۋشىلاردىڭ وسىعان قاتىستى ساۋالدارىن ەسكەرىپ، ءبىز قوس ەلدىڭ بيزنەس قاۋىمداستىقتارى الدىندا ۇلكەن پەرسپەكتيۆالارعا جول اشاتىن جاڭا ىسكەرلىك فورمات ويلاستىردىق. اتالعان تەتىك ەلدەر اراسىندا ورنىقتى سەرىكتەستىكتىڭ كەپىلىنە اينالاتىنىنا سەنىمدىمىز» ، - دەدى قىتايلىق ارىپتەستەرىمەن كەزدەسۋ بارىسىندا قازاقستان سىرتقى ساۋدا پالاتاسىنىڭ باسقارما ءتوراعاسى مەيىربەك ءماجيتوۆ.
ونىڭ سوزىنە قاراعاندا، ىسكەرلىك كەلىسسوزدەر بارىسىندا تاراپتار ءسۇت، ماي ءوندىرىسى، وسىمدىك شارۋاشىلىعى، تۇرمىستىق قىزمەت كورسەتۋ سالاسى سەكىلدى سەكتورلاردى قامتيتىن وڭدەۋشى ونەركاسىپتە ىنتىماقتاستىقتىڭ نەگىزگى باعىتتارى ايقىندالعان. ونىڭ ايتۋىنشا، قازاقستاننىڭ سىرتقى ساۋدا پالاتاسى مۇرىندىق بولعان قازاقستاندىق دەلەگاتسيانىڭ بەيجىڭگە ساپارى وتاندىق كاسىپكەرلەر ءۇشىن ۇلكەن پەرسپەكتيۆالارعا جول اشادى.
«كەلىسسوزدەر بارىسىندا تاراپتار وڭدەۋشى ونەركاسىپتەگى ىنتىماقتاستىقتىڭ نەگىزگى تارماقتارىن دا ايقىندادى. سونىڭ ىشىندە نەگىزىنەن ءسۇت، وسىمدىك مايلارى ءوندىرىسى، وسىمدىك شارۋاشىلىعى، جەمىس جيدەك داقىلدارىن ءوسىرۋ، مال شارۋاشىلىعى، تامشىلاتىپ سۋارۋ ماتەريالدارىن دايارلاۋ، سونىمەن قاتار، تۇرمىستىق قىزمەت كورسەتۋ سالالارىنا باسىمدىق بەرىلمەك» ، دەلىنگەن باسپا ءسوز بايانىندا.
جالپى قازاقستاننىڭ سىرتقى ساۋدا پالاتاسى بەيجىڭ ساپارىنىڭ وتاندىق بيزنەس ءۇشىن ۇلكەن پەرسپەكتيۆالار اشىپ، ەكىجاقتى ءوزارا ءتيىمدى ىنتىماقتاستىقتى دامىتۋعا سەپتىگىن تيگىزەدى دەپ سانايدى.
اۆتور: قانات مامەتقازى ۇلى
