لي كىشياڭ قازاقستان مەن قىتايدىڭ وندىرىستىك سالاداعى ارىپتەستىگىن ىنتىماقتاستىقتىڭ تابىستى ۇلگىسى دەپ اتادى
«ءبىز وندىرىستىك قۋاتتىلىقتار سالاسىنداعى ىنتىماقتاستىق تۇعىرناماسىن قۇرۋىمىز كەرەك. ش ى ۇ- عا مۇشە بارلىق مەملەكەتتەر يندۋستريالاندىرۋ جانە جاڭعىرتۋدىڭ نەگىزگى كەزەڭىندە بولىپ وتىر. ءبىزدىڭ الدىمىزدا ينفراقۇرىلىم مەن وندىرىستىك قىزمەتتى جەتىلدىرۋ بويىنشا قاۋىرت مىندەتتەر تۇر (...). قىتاي ءوزىنىڭ جەتىلگەن تەحنولوگيالارى مەن جوعارى ساپالى وندىرىستىك قۋاتتىلىقتارىن ايماق ەلدەرىن دامىتۋ قاجەتتىلىكتەرىمەن بايلانىستىرىپ، باسەكەگە قابىلەتتى وندىرىستىك جابدىقتار مەن مەردىگەرلىك قىزمەتتەردى ۇسىنۋعا دايىن. ءبىز سىزدەرمەن بىرىگىپ زاۋىتتار سالىپ، ورىندا ءوندىرىس پەن قايتا وڭدەۋدى جۇزەگە اسىرىپ جانە وندا جاڭا جۇمىس ورىندارىن قۇرا الاتىن ەدىك»، - دەدى ول.
قىتايلىق پرەمەر تابىستى ۇلگى رەتىندە قازاقستاندىق-قىتايلىق ارىپتەستىكتى اتادى.
ەسكە سالا كەتەيىك، ش ى ۇ ۇ ب ك- دە قازاقستاندىق دەلەگاتسيانى ق ر پرەمەر-ءمينيسترى كارىم ءماسىموۆ باسقارىپ باردى. ش ى ۇ- عا مۇشە مەملەكەتتەر (قازاقستان، قىتاي، قىرعىزستان، رەسەي، تاجىكستان، وزبەكستان) وكىلدەرىمەن قاتار ۇكىمەت باسشىلارى سامميتىنە باقىلاۋشى ەلدەر: اۋعانستان، بەلارۋس (العاش رەت)، ءۇندىستان، يران، موڭعوليا، پاكىستان دەلەگاتسياسى شاقىرتىلدى.
