استانادا اينالما جول سالىنىپ جاتىر

بۇگىنگى تاڭدا 22,8 كيلومەتر جولدى، ياعني ش. بەيسەكوۆا كوشەسىنىڭ سىعاناق كوشەسىنەن قورعالجىن تاس جولىنا دەيىنگى بولىگىن سالۋ اياقتالىپ قالدى. ش. بەيسەكوۆا كوشەسىنىڭ قورعالجىن تاس جولىنان ن. تىلەنديەۆ داڭعىلىنا، 14№  كوشەگە دەيىنگى بولىگىندە ءتيىستى جۇمىستار جالعاسۋدا. كىشى اينالما جولدى سالۋ ءۇشىن ش. بەيسەكوۆا كوشەسىنىڭ ن. تىلەنديەۆ داڭعىلىنان كونستيتۋتسيا كوشەسىنە دەيىنگى بولىگىندەگى جەر ۋچاسكەسى بوساتىلادى، سونداي-اق، سارايشىق كوشەسىندە ينجەنەرلىك جەلىلەر تارتىلىپ جاتىر، دەپ حابارلايدى astana. kz.

قازىرگى كەزدە ۋگولنىي كوشەسىندە بوگەنباي باتىر داڭعىلىنان ش. بەيسەكوۆا كوشەسىنە دەيىنگى جانە ش. بەيسەكوۆا كوشەسىندە ۋگولنىي كوشەسىنەن كونستيتۋتسيا كوشەسىنە دەيىنگى جول بولىكتەرىن، سونىڭ ىشىندە ەكى كولىك ورامىن جانە تەمىرجول ارقىلى ءبىر جول وتپەسىن سالۋ جوبالارى ازىرلەنىپ جاتىر.

استانا قالاسىنىڭ تۇزەتىلگەن باس جوسپارىنا سايكەس كىشى اينالما جولدىڭ شەكاراسىنا 27№  (حۋسەين بەن تالال) كوشەنىڭ قۇرىلىسى دا جاتادى. بۇگىندە 27№  كوشەنىڭ 39№  كوشەدەن ش. قالداياقوۆ كوشەسىنە دەيىنگى بولىگى جوبالانۋ ۇستىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى