ق ح ر مەملەكەتتىك كەڭەسىنىڭ پرەمەرى: قىتاي لياڭيۋنگاڭ قالاسىندا ش ى ۇ لوگيستيكالىق پاركىن قۇرۋعا ءازىر
بۇل تۋرالى ش ى ۇ- عا مۇشە مەملەكەتتەر ۇكىمەتتەرىنىڭ باسشىلارى كەڭەسىنىڭ 14-وتىرىسى بارىسىندا ق ح ر مەملەكەتتىك كەڭەسىنىڭ پرەمەرى لي كىشياڭ مالىمدەدى.
«ش ى ۇ- عا مۇشە مەملەكەتتەر ەۋرازيالىق قۇرلىقتىق كوپىردە، باسقاشا ايتقاندا، ازيا مەن ەۋروپانى بىرىكتىرەتىن نەگىزگى قۇرلىق جولىندا ورنالاسقان. سوندىقتان ولاردىڭ ءبىرىڭعاي كولىكتىك-كوممۋنيكاتسيالىق جەلى قۇرۋ بويىنشا الەۋەتى زور. «ەگەر جول اشىق بولسا، وندا بايلىققا ەسىك تە سولاي اشىق بولادى». وڭىرلىك كولىك-كوممۋنيكاتسيالىق جەلى قۇرۋ - ش ى ۇ- عا مۇشە مەملەكەتتەردى ەكونوميكالىق دامىتۋدى جەدەلدەتۋدى قولداۋ»، - دەدى ول.
لي كىشياڭ ۇيىم اياسىندا حالىقارالىق اۆتوموبيل تاسىمالى ءۇشىن قولايلى جاعداي قۇرۋ تۋرالى كەلىسىمگە قول قويىلعانىن ەسكە سالدى.
ەسكە سالا كەتەيىك، ش ى ۇ ۇ ب ك- دە قازاقستاندىق دەلەگاتسيانى ق ر پرەمەر-ءمينيسترى كارىم ءماسىموۆ باسقارىپ باردى. ش ى ۇ- عا مۇشە مەملەكەتتەر (قازاقستان، قىتاي، قىرعىزستان، رەسەي، تاجىكستان، وزبەكستان) وكىلدەرىمەن قاتار ۇكىمەت باسشىلارى سامميتىنە باقىلاۋشى ەلدەر: اۋعانستان، بەلارۋس (العاش رەت)، ءۇندىستان، يران، موڭعوليا، پاكىستان دەلەگاتسياسى شاقىرتىلدى.
