ق ر ۇلتتىق بانكى قازاقستاننىڭ ۆاليۋتا نارىعىنداعى جاعدايعا قاتىستى تۇسىنىكتەمە بەردى
ق ر ۇلتتىق بانكىنىڭ رەسمي سايتىندا حابارلانعانداي، تەڭگەنىڭ ايىرباس باعامى نەگىزىنەن الەمدىك قارجىلىق، تاۋارلىق نارىقتارداعى باعانىڭ وزگەرۋىنە جانە ىشكى نارىقتا شەتەلدىك ۆاليۋتاعا سۇرانىسقا بايلانىستى ايقىندالاتىن فاكتورلاردىڭ اسەرىمەن قالىپتاسىپ وتىر.
2014-2015-جىلدارى مۇناي باعاسىنىڭ تومەندەۋى تولەم تەڭگەرىمىنىڭ ايتارلىقتاي ناشارلاۋىنا جانە سايكەسىنشە ىشكى ۆاليۋتالىق نارىقتاعى تەڭگەرىمنىڭ ناشارلاۋىنا اكەلدى. 2015-جىلدىڭ جەلتوقسان ايىنىڭ باسىندا Brent ماركالى مۇناي باعاسىنىڭ ءبىر باررەلى ءۇشىن 44,4 دوللاردان 37,8 دوللارعا دەيىن نەمەسە 15 پايىزعا تومەندەۋى ايىرباس باعامىنا قوسىمشا قىسىم ءتۇسىردى.
ۇلتتىق بانك ىشكى ۆاليۋتالىق نارىققا تەڭگەنىڭ قىسقا مەرزىمدىك اۋىتقۋلارىن رەتتەۋ ماقساتىندا قاتىسىپ وتىر، ءبىراق بۇل رەتتە ول شەتەلدىك ۆاليۋتاعا سۇرانىس پەن ۇسىنىستىڭ اراقاتىناسىن انىقتايتىن ىرگەلى فاكتورلاردىڭ قىزمەتىنە كەدەرگى كەلتىرمەيدى.
