قىزىلوردا وبلىستىق توتەنشە جاعدايلار دەپارتامەنتى ەڭ ۇزدىك قازاق ءتىلدى مەكەمە بولىپ تانىلدى - فوتو

«ەڭ ۇزدىك قازاق ءتىلدى مەكەمە» اتانىپ، قىزىلوردا وبلىستىق ىشكى ساياسات باسقارماسىنىڭ ديپلومىمەن جانە باعالى سىيلىقپەن ماراپاتتالدى. بۇل تۋرالى وتجد باسپا ءسوز قىزمەتى حابارلادى.

مەملەكەتتىك ءتىل ساياساتىن ودان ءارى جەتىلدىرۋ ماقساتىندا ۇيىمداستىرىلعان بايقاۋعا 34 وبلىستىق جانە اۋماقتىق مەكەمە قاتىستى. بايقاۋدا قازاقستان رەسپۋبليكاسىنىڭ «قازاقستان رەسپۋبليكاسىنداعى ءتىل تۋرالى» زاڭىن، قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 -جىلدارعا ارنالعان مەملەكەتتىك باعدارلاماسىن جۇزەگە اسىرۋ، مەملەكەتتىك ءتىلدىڭ قولدانىس اياسىن كەڭەيتۋ باعىتىندا اتقارىلعان جۇمىستار سارالاندى.

  قىزىلوردا وبلىسىنىڭ توتەنشە جاعدايلار دەپارتامەنتىندە قۇجاتتار «قازاقستان رەسپۋبليكاسىنداعى ءتىل تۋرالى» ق ر زاڭىنىڭ 8,9,10,11 جانە 21 - باپتارىنا سايكەس جۇرگىزىلەدى، شىعىس جانە ىشكى حات- حابارلار 100 پايىز مەملەكەتتىك تىلدە ورىندالادى. مەملەكەتتىك ءتىلدى دامىتۋ مەن قولدانۋ باعىتىندا ءتۇرلى ءىس- شارالار ۇيىمداستىرىلىپ، بۇقارالىق اقپارات قۇرالدارىندا ناسيحاتتالۋدا.

  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى