ابايدىڭ قارا سوزدەرى تۋرالى تەلەەپوپەيا جەلتوقسان ايىنىڭ سوڭىندا كورسەتىلەدى - كەسكىن

ءتۇرلى وتباسىنىڭ ⅩⅨ عاسىردىڭ، ⅩⅩ عاسىردىڭ 40 جانە 90- جىلدارىنداعى ءۇش ۇرپاعىنىڭ ءومىرى تۋرالى «اقىلدىڭ كىلتى» تەلەحيكاياسى ابايدىڭ «قارا سوزدەرىنىڭ» مازمۇنىن قامتيدى. ونىڭ تۇساۋكەسەرى 10- جەلتوقسان كۇنى قازمەديا ورتالىعىنىڭ كينوكونسەرت زالىندا ءوتتى.

قازاقتىڭ ۇلى اقىنى، فيلوسوف، اعارتۋشى ابايدىڭ 170 جىلدىعىنا وراي تۇسىرىلگەن 12 سەريادان تۇراتىن «اقىلدىڭ كىلتى. ءومىر داستانى» تۋىندىسى ارقىلى ويشىلدىڭ «قارا سوزدەرىنەن» جاس ۇرپاققا ۇلاعات ايتۋ كوزدەلگەن.

كارتيناعا تەاتر جانە كينو اكتەرلەرى دۋلىعا اقمولدا، دانيار بازارقۇلوۆ، باۋىرجان قاپتاعايەۆ، دارحان سۇلەيمەنوۆ جانە باسقالار قاتىستى.

بىرەگەي تەلەتۋىندى «حابار» تەلەارناسىنىڭ ەفيرىنەن جەلتوقساننىڭ سوڭىندا كورسەتىلەتىن بولادى، دەپ حابارلانعان تەلەارنا سايتىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى