رەسەيلىك ەلشى قازاقستاندىق جۇك كولىكتەرىنىڭ تۇرىپ قالۋى جاعدايىنا تۇسىنىك بەردى
«جۇك كولىكتەرىنىڭ قوزعالىسىنا قاتىستى ايتىپ وتسەك، كەيبىر تاۋارلارعا شەكتەۋلەر ەنگىزىلگەندىكتەن، وسى تاۋارلاردىڭ سوڭعى قابىلداۋشى كىم ەكەنىن انىقتاۋ قاجەت بولدى. بۇل جاعداي رەسەيلىك ۇشاق اتىپ تۇسىرىلگەننەن كەيىن ورىن الدى. احۋال شەكتەۋلەرگە بايلانىستى جانە ءبىزدىڭ ەۋروپالىق وداقپەن ءوزارا قارىم- قاتىناستاردا جاۋاپ رەتىندەگى امالسىز شەكتەۋلەرگە قاتىستى»، - دەدى ەلشى استانادا وتكەن باسپا ءسوز ءماسليحاتىندا.
ونىڭ سوزىنە قاراعاندا، رەسەي تاراپى جاۋاپتى سانكسيالار تىزبەسىنە ەنگەن ە و ەلدەرىنەن ازىق- تۇلىك جۇك اعىمىن تەكسەرۋگە ءماجبۇر.
وسى ورايدا م. بوچارنيكوۆ رەسەيدىڭ كەدەندىك ورگاندارى بىرنەشە مارتە ە ا ە و اياسىندا بىرلەسكەن اقپاراتتىق جۇيەلەردى قۇرۋ تۋرالى ۇسىنىستار ەنگىزگەنىن، بۇل ءوز كەزەگىندە ءوزارا تاۋارلاردىڭ قوزعالىسى جايىندا اقپارات بەرىپ، رەتتەپ وتىراتىنىن اتاپ ءوتتى.
«وكىنىشكە قاراي، بۇنداي جۇيە قۇرىلعان جوق. قازىرگى كەزدە تۇركيالىق كەيبىر تاۋارلارعا شەكتەۋلەر مۇمكىندىگى جاعدايى تۋىنداعان كەزدە، تاۋارلار ر ف اۋماعىندا قالمايتىندىعىنا سەنىمدى بولۋ كەرەك. مەنىڭ بىلۋىمشە، بۇل ماسەلەلەر كەيبىر قازاقستاندىق جۇك كولىكتەرىمەن ءبىر مەزگىلدە بولدى. الايدا بۇگىندە وسى ماسەلە شەشىمىن تاۋىپ وتىر، ياعني ەكى تاراپتىڭ مۇددەسىنە ساي رەتتەۋ شارالارى ءجۇرىپ جاتىر»، - دەدى ول.
اۆتور: رۋسلان عابباسوۆ
