ايزادا اۆلاتاروۆانىڭ اپكەسى اسكەري قىزمەتشىلەرگە ارناپ ءبي بيلەدى

14 -جەلتوقساندا 5571 اسكەري بولىمىندە تاۋەلسىزدىك كۇنىنە ارنالعان سالتاناتتى ءىس-شارا ءوتتى. وعان ايزادا اۆلاتاروۆانى تاۋىپ، قىلمىسكەردى ۇستاۋعا كومەكتەسكەن اسكەري قىزمەتشىلەر دە قاتىستى.

سالتاناتتى شاراعا ايزادانىڭ تۋىستارى - اعاسى رۋسلان، اپكەلەرى گۇلزيرا مەن نيگارا كەلدى. ولار ايزادانى تابۋعا كومەگىن تيگىزگەن اسكەري قىزمەتشىلەرگە راقىمەتتەرىن ايتتى جانە العىستارىنىڭ بەلگىسى رەتىندە نيگارا ءبي بيلەپ بەردى.

"وڭتۇستىك" وڭىرلىك قولباسشىلىعىنىڭ قولباسشىسى الىبەك سەراليەۆ ولارعا ەرەكشە قۇرمەت كورسەتىپ، قاتارداعى جاۋىنگەرلەر نۇرجان تىلەۋحان مەن بيبول بينۇروۆقا تۋعان جەرىنە كەزەكتەن تىس 10 كۇن دەمالىس جاريالاسا، كينولوگ ارمان الىمبەتوۆ پەن جاساق جەتەكشىسى رۋسلان سەردالينوۆتى "ۇلتتىق ۇلان قىزمەتىنىڭ ۇزدىگى" كەۋدە بەلگىسىمەن ماراپاتتاۋ ءۇشىن ۇلتتىق ۇلان باس قولباسشىسىنا جەدەلحات جولدادى.

ەسكە سالا كەتەيىك، ايزادا اۆلاتاروۆا 3 -جەلتوقساندا جوعالىپ كەتكەن بولاتىن. ىلە اۋدانى جەتىگەن اۋىلىنىڭ تۇرعىنى كورشى وتەگەن باتىر اۋىلىنداعى (قىزدىڭ ۇيىنەن 25 شاقىرىمداعى) وقۋىنا بارۋ ءۇشىن تاكسيگە وتىرعان. دەگەنمەن ول ءتيىستى جەرىنە جەتپەدى. 10 -جەلتوقساندا قىز تابىلدى. بۇل جونىندە ەرىكتىلەر Facebook ارقىلى حابارلادى. ال يگور توكاريەۆ ۋاقىتشا ۇستاۋ يزولياتورىنا قامالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى