قازاقستاندا تۇركى ستيلىندەگى جاڭا قالا پايدا بولادى
سىرداريانىڭ سول جاعالاۋىنداعى جاڭا قالانىڭ باس جوسپارى قىزىلوردادا ءوتىپ جاتقان "بايقوڭىر" VI ينۆەستيتسيالىق فورۋمىندا وتاندىق جانە شەتەلدىك ينۆەستورلارعا تانىستىرىلدى.
جوبا اۆتورى - قازاقستان قالا قۇرىلىسى كەڭەسىنىڭ پرەزيدەنتى ليۋبوۆ نىسانبايەۆانىڭ ايتۋىنشا، قالانىڭ ارحيتەكتۋراسى تۇركى ستيلىندە جاسالادى.
وبلىستىق اكىمدىكتىڭ باسپا ءسوز قىزمەتى جاڭا قالانىڭ تۇجىرىمداماسى بەيرۋت، بۇحار، تاشكەنت، يەمەن مەن تۋنيستىڭ ارحيتەكتۋرالىق ەلەمەنتتەرىنە نەگىزدەلگەنىن حابارلادى. ياعني تاياۋ شىعىستىڭ كلاسسيكالىق ستيلىندە بولادى.
اۋماقتىڭ 1532 گەكتارى جايلى ءومىر سۇرۋگە ارنالىپ جاسالادى. تۋريزيم، ءبىلىم بەرۋ كوپ جىلعا الدا بولادى.
«ساراپشىلاردىڭ پىكىرىنشە، وسىنداي ىرعاقپەن قالا حالقىنىڭ سانى 2050 -جىلعا قاراي 350 مىڭعا جەتىپ قالۋى مۇمكىن. جوبانى ازىرلەۋ بارىسىندا ءبىز بولاشاق تۇرعىنداردىڭ جاعدايىن ويلادىق. سونىمەن قاتار، قىزىلوردانى تاريحي ورتالىق رەتىندە قالدىرۋعا تىرىستىق»، - دەدى جوبا اۆتورى.
جەرگىلىكتى بيلىكتىڭ جوسپارى بويىنشا، "جاڭا قىزىلوردانىڭ" العاشقى بولىگى 2025 -جىلى دايىن بولادى.
