قىرعىزستاندا قازاقستاندىق فيلمدى كورسەتۋگە تىيىم سالىندى

وعان قىرعىزستانداعى «ايكول الا-توو» قوعامدىق ۇيىمىنىڭ ارىزى تۇرتكى بولعان.

قوعامدىق قور وكىلدەرىنىڭ پىكىرىنشە، كارتينادا 2010 -جىلى 7- ءساۋىر كۇنى قۇرمانبەك باكيەۆ بيلىكتەن كەتىرىلگەن قىرعىزستانداعى ءساۋىر توڭكەرىسى كەزىندە قازا تاپقان ادامدار ەسىرتكى زاتتار قولدانعانى كورسەتىلەدى. ال فيلمنىڭ قىرعىزستانداعى پروديۋسەرى كينوكارتينانىڭ ول وقيعالارعا قاتىسى جوق ەكەنىن ايتادى.

«فيلمنىڭ ترەيلەرىندە ءساۋىردىڭ 7 سى كۇنى جانە ماۋسىم وقيعاسى كەزىندە جىگىتتەردىڭ ەسىرتكى قولدانعانى ايتىلادى. ءبىزدىڭ سوتقا ارىزدانۋىمىزعا وسى تۇرتكى بولدى. كارتينا ءساۋىر وقيعاسى كەزىندە قازا تاپقان ادامداردىڭ اتىنا كىر كەلتىرەدى»، - دەيدى «ايكول الا- توو» قوعامدىق قورىنىڭ باسشىسى، دەپۋتات مەەربەك ميسكەنبايەۆ.

ميسكەنبايەۆ ۇيىم مۇشەلەرىنىڭ فيلمدى تولىق كورىپ شىقپاعانىن مويىندايدى. سوتقا ارىزدانۋعا فيلمنىڭ عالامتورداعى ءۇزىندىسى جەتكىلىكتى بولعان.

دەرەككوز: NUR. KZ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى