قىزمەتىنە ءىنىسىن جۇمساپ كەلگەن پوليتسەيدىڭ قۋلىعى اشكەرەلەندى
ناقتىراق ايتقاندا، «سكولكوۆو» يننوۆاتسيالىق ورتالىعىندا ر ف ءى ءى م «كۇزەت» ف م ۋ ك قىزمەتكەرى ءوزىنىڭ ورنىنا جۇمىسقا ءىنىسىن جىبەرگەنى انىقتالدى.
اعايىندى سپيۆاكوۆتاردىڭ بۇل ايلاسىن كەنەتتەن قىزمەتكەرىمەن جەكە اڭگىمەلەسپەك بولعان كۇزەت باسشىسى اشكەرەلەدى. ول وتكەن جولعى كەزدەسۋدى ەسىنە سالعاندا قاتارداعى پوليتسەي ونىڭ بىرىندە تۇسىنبەگەن. بىردەن سەزىكتەنگەن باسشىسى ونى قىسپاققا الىپ، مويىنداتتى. ولەگ سپيۆاكوۆ اعاسى ياروسلاۆتىڭ ورنىنا جۇمىس ىستەپ جاتقانىن ايتىپ بەرگەن.
اعايىندىلار بۇل ايلاسىن 1 جىل بويى ىسكە اسىرىپ كەلگەن. ايتا كەتەرلىگى ارىپتەستەرى ولاردىڭ بۇل ارەكەتىن ءتىپتى بايقاماعان.
ياروسلاۆ سپيۆاكوۆقا قاتىستى قىزمەتتىك تەكسەرىس باستالدى، ال ونىڭ ءىنىسى رەجىمدى نىسانعا كىرگەنى ءۇشىن اكىمشىلىك جاۋاپقا تارتىلادى.
