تۇركيادا ەردوعاندى قورلاعان ءۇش جۋرناليست سوتتالدى

بۇل تۋرالى ر ي ا «نوۆوستي» حابارلادى دەپ جازادى ras.kz.

سونىمەن قاتار، سوت جاۋاپ بەرۋشىلەر بۇدان ءارى «قىلمىستىق ارەكەتتەرىمەن» اينالىسۋدان باس تارتاتىن بولسا، جازانى ورىنداۋدى كەيىنگە قالدىراتىنىن اتاپ كورسەتتى.

نەگىزىندە وقيعا بىلاي بولعان ەدى. باس رەداكتور بەركانت گيۋلتەكين، شىعارۋشى رەداكتور جان ۋگيۋر، ۇيلەستىرۋشى بارىش يندجە بيىلعى قاڭتار ايىندا Birgün گازەتىنىڭ ءبىرىنشى بەتىنە «كىسى ءولتىرۋشى جانە ۇرى ەردوعان» دەگەن ماقالا جاريالاعاندارى ءۇشىن سوتقا شاقىرىلادى.

ۇكىمدى ورىنداۋدى كەيىنگە قالدىرعان سوت ولارعا ءبىر جىلدىق سىناق مەرزىمىن بەلگىلەدى. ال ادۆوكاتتاردىڭ پىكىرىنشە، ماقالانىڭ باس تاقىرىبى جۋرناليستەردى قىلمىستىق جاۋاپقا تارتىپ، ولارعا جازا بەلگىلەۋگە نەگىز بولا المايدى.

بۇلاردان باسقا، تۇرىكتىڭ Today's Zaman گازەتىنىڭ بۇرىنعى باس رەداكتورى بيۋلەنت كەنەش پەن باسىلىم شولۋشىسى سەۆگي اكارچەشمە، سوتتىڭ پىكىرىنشە، Twitter پوستىلارىندا پرەمەر- مينيستر احمەت داۆۋتوگلۋدىڭ اتىنا قورلاۋ سوزدەر جازعاندارى ءۇشىن تيىسىنشە ءبىر جىل، ەكى ايعا جانە ءبىر جىل، بەس ايعا شارتتى تۇردە سوتتالۋ جازالارىن الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى