قايرات نۇرتاستىڭ كەشىنە اپارماعان ءبۇلدىرشىن قيعىلىق سالدى
ءانشىنىڭ كەلەسى كونسەرتىنە بىرگە بارۋعا ۋادە بەرگەن اناسىنىڭ سوزىنە جەتكىنشەك جۇبانار ەمەس.
ءبۇلدىرشىن قايرات نۇرتاستى جاقسى كورگەنى سونشالىق، ءانشىنى «جىگىتى» سانايدى ەكەن. وكپەلەپ قالعان بالاسىنىڭ ۆيدەوسىن اناسى قايراتتىڭ پروديۋسەرى ءارى اناسى گۇلزيرا ايداربەكوۆاعا جىبەرگەن.
«قايراتتىڭ كونسەرتىن كورىپ، مەنى قايراتقا اپارمايسىڭدار دەپ وكپەلەپ، جىلاپ وتىرعان ءبۇلدىرشىننىڭ ۆيدەوسىن الدىم. جۇرەگى تيتتەي بولعانىمەن، كوڭىلى كەڭ»، - دەپ جازادى گۇلزيرا ايداربەكوۆا Instagram جەلىسىندە.
سونداي-اق، قايرات نۇرتاستىڭ تىلەۋلەسى بولعان اپالاردىڭ ءبارى ءبىر ۇيگە جينالىپ، قايراتتىڭ كەشىن بىرگە تاماشالاعان. ءانشىنىڭ كونسەرتىن تاپجىلماي وتىرىپ تاماشالاعان قارت انالاردىڭ كورىنىسى كوپشىلىكتىڭ كوڭىلىن كوتەردى.
