ۇيىندىلەردە قازاقستاننىڭ «ەكىنشى بايلىعى» جاتىر - ق ر پرەزيدەنتى
«ارينە، ءبىزدىڭ جەر قويناۋىمىز وتە باي. ميلليونداعان توننا كەن قازىپ الدىق. ءبىراق، ۇيىندىلەردە، قورلاردا جاتقان قازا بايلىعى دا مول. ۋاقىتى كەلگەندە ءبىز ولاردى دا قايتا وڭدەيتىن بولامىز.
ونى جاقسى بىلەمىن، ول مەنىڭ كەڭەس زامانىندا ماسكەۋدە قورعاعان دوكتورلىق ديسەرتاتسيام بولاتىن. تەك سوكولوۆ- سارىباي كومبيناتىنىڭ ۇيىندىلەرىندە جۇزدەگەن ميلليون توننا تەمىر، ۆانادي، ۆولفرام سىندى قازبالار بار. ال ەكىباستۇز ۇيىندىلەرىندە اليۋميني توتىعى بار. ءبىز كەيىن ونى وندىرەتىن بولامىز»، - دەدى ن. نازاربايەۆ.
ەلباسى «ق ر مينەرالدى شيكىزاتتى كەشەندى قايتا وڭدەۋ جونىندەگى ۇلتتىق ورتالىعى» ۇجىمىن بۇگىنگى سىيلىقتارىمەن قۇتتىقتاي كەلە، ولاردىڭ زور ءىس تىندىرىپ جاتقانىن باسا ايتتى. ويتكەنى، كەن ۇيىندىلەرىندە قازاقستاننىڭ «ەكىنشى بايلىعى» جاتىر.
ايتا كەتەيىك، «الەمدىك تەحنولوگيا نارىعىندا قازاقستاننىڭ مارتەبەسىن كوتەرگەن جانە ەلىمىزدىڭ يننوۆاتسيالىق دامۋىنا ەلەۋلى ۇلەس قوسقان التىن مەن قورعاسىن مەتاللۋرگياسى سالاسىندا جاسالعان ازىرلەمەلەردى وندىرىستە ىسكە اسىرۋ» تاقىرىبىنداعى جۇمىستار تسيكلى ءۇشىن ق ر ي د م يندۋستريالىق دامۋ جانە ونەركاسىپتىك قاۋىپسىزدىك كوميتەتى «ق ر مينەرالدى شيكىزاتتى كەشەندى قايتا وڭدەۋ جونىندەگى ۇلتتىق ورتالىعى» ر م ك- نىڭ باس ديرەكتورى، تەحنيكا عىلىمدارىنىڭ دوكتورى، پروفەسسور، ق ر ۇ ع ا اكادەميگى، ءابدىراسىل جارمەنوۆ، اتالعان ورتالىق فيليالىنىڭ زەرتحانا مەڭگەرۋشىلەرى، حيميا عىلىمدارىنىڭ كانديداتى ليۋدميلا بولوتوۆا، تەحنيكا عىلىمدارىنىڭ دوكتورى، پروفەسسور ساعىنتاي يسابايەۆ، عىلىمي قىزمەتكەرى، تەحنيكا عىلىمدارىنىڭ كانديداتى، دوتسەنت قانات كۇزگىبەكوۆا، فيليال ديرەكتورى يگور ستارتسيەۆ، باس عىلىمي قىزمەتكەرى، تەحنيكا عىلىمدارىنىڭ كانديداتى نيكولاي ۋشاكوۆ، فيليال ديرەكتورى، دوتسەنت سەرىكبول شالعىمبايەۆ، فيليال ديرەكتورىنىڭ ورىنباسارى، تەحنيكا عىلىمدارىنىڭ كانديداتى ۆيكتور شۋمسكيي «ءال- فارابي» اتىنداعى سىيلىققا يە بولعان ەدى.
اۆتور: مارلان جيەمباي
