ەلباسى ديەتا ۇستاپ، ارىقتاعىسى كەلەتىندەرگە اقىلىن ايتتى

اڭگىمە بارىسىندا جۋرناليستەر تاراپىنان سالاۋاتتى ءومىر سالتىنا، ارنايى ديەتا ۇستاۋىنا قاتىستى ساۋال قويىلعان ەدى.  

 «قازىر جۇرتتىڭ كوپشىلىگىنىڭ پروبلەماسى - ارىقتاۋ. ارىقتاردىڭ ءوزى ودان سايىن ارىقتاسامىن دەپ ءجۇر. ديەتا تۋرالى ايتادى، ەت بولمايدى، ماي بولمايدى دەگەن سەكىلدى. ءبىز، قازاقتار، قالاي ەتسىز ءومىر سۇرەمىز؟ ءبىر ۇرىدان «ۇرلىقتى قاشان قوياسىڭ» دەسە، «جىلقى ەتىنىڭ تاتتىلىگىن قويسا، مەن ۇرلىعىمدى قويار ەدىم» دەگەن ەكەن. سول سەكىلدى مەنىڭ ءپرينتسيپىم - ادام وزىنە، ءوزىنىڭ ورگانيزمىنە قاجەتتىنى جەۋى كەرەك»، - دەدى ەلباسى.   
 
 بۇل رەتتە ن. نازاربايەۆ پروفەسسور شارمانوۆتى مىسالعا كەلتىرىپ، ادام دەنساۋلىعى ءۇشىن جىلقى ەتى دە، قىمىزى دا پايدالى ەكەنىن ايتتى.    
 «ءبىزدىڭ سۇيەگىمىزگە سىڭگەن، گەنەتيكامىزعا ورنىققان جاعدايىمىز بار. ونى وزگەرتۋگە بولا ما؟ ەكىنشى - سپورت. ادام ءوزىن- ءوزى كۇتۋى كەرەك. ءبىز دەنى ساۋ، سالاماتتى ۇلت بولۋعا ءتيىسپىز. ءوزىم تۋرالى ايتسام، مەن ەشقانداي دا ديەتا ۇستانبايمىن»، - دەدى ن. نازاربايەۆ.

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى