پاۆلودارداعى شارۋا قوجالىعى قىتايعا قىمىز ەكسپورتتايدى
«قازىرگى تاڭدا قىتايلىقتارعا قازاقتىڭ كيەلى سۋسىنىن جەتكىزۋ بويىنشا قۇجاتتاردى راسىمدەۋ ءۇشىن كەلىسسوزدەر جۇرگىزىلۋدە. كورشى ەلدىڭ كاسىپكەرلىكپەن اينالىساتىن نۇرمۇحاممەد راۋان دەگەن ازاماتى التى توننا قىمىزعا تاپسىرىس بەردى. بۇدان باسقا، قۇرتقا دا سۇرانىس بار»، - دەيدى ت. قۇشمانوۆا.
شارۋا قوجالىعى يەسىنىڭ ايتۋىنشا، ماسكەۋ قالاسىنداعى «رۋس- ترەيد» كومپانياسىنىڭ كوممەرتسيالىق ديرەكتورى ليۆكۋت ولەگ قىمىز قۇيىلعان شولمەكتەردىڭ ىشىنەن پوليەتيلەندى ەكى قاقپاق قويۋدى جانە ۇشاق ارقىلى جەتكىزۋ جونىندە شارت قويۋدا. «اۋەجاي قىزمەتكەرلەرى بولسا، ءاربىر شولمەكتى 30 پايىزعا تولتىرماۋ قاجەت ەكەنىن ەسكەرتەدى. ال مۇنداي تاۋاردىڭ قۇنى مەن ءتۇرى قانداي بولاتىنى بەلگىسىز. سوندىقتان دا قىمىزدى رەفريجاتور كولىگىمەن جەتكىزۋ قاراستىرىلۋدا»، - دەيدى ول.
ەسكە سالا كەتەيىك، قاراشا ايىنىڭ سوڭىندا «ساعىپ» ماسكەۋدەگى «باۋىرساق» دۇكەندەر جەلىسىمەن قىمىز بەن قۇرت جەتكىزۋ شارتىن جاساسقان بولاتىن.
