بەيجىڭدە «قازاقستان ورتالىعى» اشىلدى - فوتو
ورتالىق جۇمىسىنا رەسمي باستاۋدى ق ر پرەمەر-ءمينيسترى باقىتجان ساعىنتايەۆ پەن اتالمىش ج و و- نىڭ رەكتورى پەن لۋن (Peng Long) بەردى.
«سوڭعى كەزدەرى قىتايدىڭ قازاقستانعا قىزىعۋشىلىقتارى ارتىپ كەلەدى، بۇعان حالىقتىق ديپلوماتيانىڭ قارقىندى دامۋى دالەل بولا الادى. جوعارى وقۋ ورنى رەتىندە ءبىز دە بۇل ۇردىسكە اتسالىسقىمىز كەلەدى»، - دەدى پەن لۋن.
ونىڭ ايتۋىنشا، 2016-جىلى ۋنيۆەرسيتەت 15 قىتايلىق ستۋدەنتتى «قازاق ءتىلى جانە ەلتانۋ» ماماندىعى بويىنشا قابىلداماق.
«2017-جىلى استانادا ەكسپو كورمەسى وتەدى. قىتاي ءبىزدىڭ يدەيامىزدى تولىق قولداپ، بۇل شاراعا قاتىسادى. 2017-جىل قازاقستانداعى قىتاي جىلى بولىپ جاريالاندى. ءبىز ق ح ر- دان تۋريستەر كەلەدى دەپ ۇمىتتەنەمىز. وسى ورايدا ۆيزالىق رەجىمدى جەڭىلدەتۋ ماقساتىندا قىتايمەن ەرتەڭ جەڭىلدەتىلگەن توپتىق تۋريزم تۋرالى كەلىسىمگە قول قويماقپىز. سىزدەردىڭ ۋنيۆەرسيتەتتەرىڭىزدىڭ قابىرعاسىندا كەلەسى جىلدان باستاپ قازاق ءتىلىن ۇيرەنەتىن ستۋدەنتتەر بۇل جۇمىسقا ەرىكتىلەر رەتىندە ات سالىسىپ، قىتايلىق تۋريستەرگە استانانى ارالاۋدا كومەك بەرە الادى»، - دەدى ب. ساعىنتايەۆ.
ول وسى ۋنيۆەرسيتەت پەن قىتايدى زەرتتەۋ بويىنشا ەۋرازيالىق ورتالىق قۇرۋ جوسپارلانىپ وتىرعان نازاربايەۆ ۋنيۆەرسيتەتى اراسىندا عىلىمي-اكادەميالىق ىنتىماقتاستىق ورناتۋدى ۇسىندى. بۇل ۇسىنىستى پەن لۋن قولدادى.
ب. ساعىنتايەۆ بەيجىڭ ۋنيۆەرسيتەتىنە «قازاقستان تاريحى مەن مادەنيەتىنىڭ ۇلكەن اتلاسىن» سىيعا تارتتى.
«قازاقستان ورتالىعى» قازاقستاننىڭ ءتىلى ءمان مادەنيەتىن، جالپى ۇلتتىق «ماڭگىلىك ەل» يدەياسىن، ق ر پرەزيدەنتى ن. نازاربايەۆتىڭ سىرتقى ساياسي باستامالارىن ىلگەرلەتۋ مەن تانىمال ەتۋدەگى ديپلوماتيالىق الاڭعا اينالادى.
