ەلباسى سۇحباتى: پرەزيدەنت وتىرىك ايتا ما؟
سونىڭ بىرىندە جۋرناليست بەيسەن قۇرانبەك: «ەل مۇددەسى ءۇشىن نەشە ءتۇرلى كەلىسسوزدەر بولادى، شىندىقتى ايتپايتىن كەزىڭىز بولدى ما؟» دەپ سۇراعان ەدى.
«وتىرىك ايتۋ دەگەن جامان قاسيەت. دوسىڭا وتىرىكتى ءبىرىنشى رەت ايتساڭ ساعان سەنبەيدى، ەكىنشى رەت ايتساڭ، ابىرويىڭنان ايىرىلاسىڭ. ال ەل باسقارىپ جۇرگەن ادامنىڭ جاعدايى ەرەكشە، ءارتۇرلى وقيعالار بولىپ جاتادى. ەلدى باسقارىپ وتىرعان ادامنىڭ اۋزىنان بارشا قازاقستان حالقىنىڭ اتىنان ايتىلاتىن ءسوز شىعادى. كەيدە كەلىسسوزگە كەلۋ ءۇشىن ءبىر نارسەدەن كەيىن شەگىنىپ، ەكىنشى جاعىن العا شىعارۋعا تۋرا كەلەدى»، - دەدى ن. نازاربايەۆ.
بۇل رەتتە ەلباسى كاسپي تەڭىزىن ءبولۋ، رەسەيمەن شەكارانى ءبولۋ ماسەلەسىندە ەلتسينمەن اراداعى بولعان اڭگىمەلەردى دە مىسالعا تارتتى.
«كوپ جاعدايدا ەلگە ءتيىمدى شەشىم قابىلدايسىڭ. دەگەنمەن، بۇل وڭاي ەمەس. بۇعان دەيىن كىم ەل باسقارىپ، مەملەكەتتى باسقارىپ كوردى دەيسىڭ؟ بۇل ءبىزدىڭ تۇڭعىش تاجىريبەمىز. ءبىزدىڭ جولىمىزدىڭ وڭ جاعى دا، سول جاعى دا بار»، - دەدى ن. نازاربايەۆ.
اۆتور: قانات مامەتقازى ۇلى
