جەلتوقسان جاڭعىرىعى ۇنەمى حالقىمىزدىڭ جادىندا قالاتىن وقيعا - قازاقستان پرەزيدەنتى
كەشە اعىمداعى جىلدى قورىتىندىلاپ، جۋرناليستەرگە بەرگەن سۇحباتىندا ەلباسى نۇرسۇلتان نازاربايەۆ وسىلاي ءمالىم ەتتى.
«مەن ويلايمىن، بۇل وقيعاعا قاتىستى ءتيىستى باعاسىن بەردىك. قاتىسقانداردىڭ بارلىعىنا، قيىنشىلىقتار مەن زارداپ شەككەندەرگە رەابيليتاتسيا جاسالدى. رىسقۇلبەكوۆكە باتىر اتاعى بەرىلدى، ياعني سول كەزدە شىققان جاستاردىڭ بارلىعىنا بەرىلگەن اتاق دەپ ساناۋ كەرەك. سول كۇندى مەن ءوزىمنىڭ جارلىعىممەن دەموكراتيانىڭ اتقان تاڭى كۇنى دەدىك. ولارعا ەسكەرتكىش قويىلدى، «جەلتوقسان» دەپ كوشەلەر اتالدى»، - دەپ توقتالدى مەملەكەت باسشىسى.
وسى ورايدا پرەزيدەنت 2016-جىلى تاۋەلسىزدىگىمىزدىڭ 25 جىلدىعى بولاتىنىن، بۇل نەگىزگى مەرەيتوي ەكەنىن اتاپ ءوتتى.
«جاستارعا قازاقستان ءبىزدىڭ جەرىمىز ەكەنىن، وتانىمىزدى قورعاۋ ءۇشىن ءارقاشان دايىنبىز دەپ ءتۇسىندىرىپ، ناسيحاتتاۋىمىز كەرەك»، - دەدى ن. نازاربايەۆ.
اۆتور: رۋسلان عابباسوۆ
