مەملەكەت باسشىسى: «ءبارىمىز - ءبىرىمىز ءۇشىن، ءبىرىمىز - ءبارىمىز ءۇشىن» دەپ جۇمىس ىستەۋىمىز كەرەك
«الدىمىزدا تاۋەلسىزدىكتىڭ مەرەكەسى كەلە جاتىر. ەلىمىزگە قۇتتى بولسىن، ۇزاعىنان بولسىن! «مىڭ ءولىپ، مىڭ تىرىلگەن» قازاقپىز. مىناۋ قيىنشىلىقتاردان دا وتەمىز. قورقاتىن ەش نارسە جوق. بىرگە بولساق، بار بولساق بارىنەن دە وتەمىز. «ءبارىمىز ءبىرىمىز ءۇشىن، ءبىرىمىز ءبارىمىز ءۇشىن»، دەپ جۇمىس ىستەۋىمىز كەرەك. تاۋەلسىزدىك مەرەكەسى قۇتتى بولسىن! ونىڭ ار جاعىندا جاڭا جىل كەلە جاتىر. سوندىقتان وسى مەرەكەلەردىڭ بارلىعى ەلىمىزگە قۇتتى بولسىن! وسىنداي جايباراقات ءومىر تىلەيمىن، بىرلىك تىلەيمىن، حالقىمىزعا تىنىشتىق تىلەيمىن. مىناۋ دۇنيەدە بولىپ جاتقان نەشە ءتۇرلى قيىنشىلىقتار، داعدارىستار، جارىلىستار، ولتىرۋلەر بىزدەن اۋلاق بولسىن! ەلىمىز امان، جۇرتىمىز تىنىش بولسىن، دەگەن تىلەكتەن ءجۇرىپ جاتقان ەلمىز. ەندى سول تىلەكتى كۇندە تىلەپ وتىراتىن حالىقتىڭ ارمانىن، ەلىمنىڭ ماعان ارتقان جۇگىن امان-ەسەن، دۇرىس الىپ جۇرسەم ەكەن دەپ تىلەيمىن»، - دەپ تۇيىندەدى سۇحباتىن ق ر پرەزيدەنتى.
اۆتور: مارلان جيەمباي
