ەلباسى: قازاقتىڭ ناعىز تاريحىن جازىپ شىعۋ زيالى قاۋىم، عالىمداردىڭ قۇزىرىندا بولۋى كەرەك
بۇل تۋرالى كەشە وتاندىق تەلەارنالارعا سۇحبات بەرگەن ق ر پرەزيدەنتى نۇرسۇلتان نازاربايەۆ ءمالىم ەتتى.
مەملەكەت باسشىسى ءوز سوزىندە قازاق حاندىعىنىڭ 550 جىلدىعىنا وراي مەملەكەتتىڭ قولداۋىمەن قازاقستان بويىنشا 700 ءىس-شارا وتكىزىلگەنىن اتاپ ءوتتى.
«وسىندا دا ۇلكەن جيىن وتكىزىپ، مەن بايانداما جاسادىم. تارازدا بولدىق. بارلىق وبلىستاردا بولدى. ەلدىڭ، جاستاردىڭ ساناسىنا ءبىزدىڭ وسىنداي تاريحىمىز بار ەكەندىگىن سىڭىردىك. ال ەندى ارى قاراي زيالى قاۋىم جالعاستىرۋى قاجەت. تاريح جىلى دەپ كوپ نارسەنى جينادىق قوي، دۇنيەجۇزىنىڭ بارىنەن، سول جەردەن بارىپ تاپتىق وسىنىڭ ءبارىن. ءبىزدىڭ ءبىر كەمشىلىگىمىز بارلىق تاريحىمىز تاڭباداي باسىلىپ، قاعازعا تۇسىرىلمەگەن. اۋىز ەكى اڭگىمەمەن كەلە جاتىرمىز. سونىڭ بارلىعىن وڭدەپ، قازاقتىڭ ناعىز تاريحىن جازىپ شىعۋ زيالى قاۋىم، عالىمداردىڭ قۇزىرىندا بولۋى كەرەك دەپ سانايمىن»، - دەدى ق ر پرەزيدەنتى.
اۆتور: مارلان جيەمباي
