حالىقارالىق قارجى ۇيىمدارىنىڭ قازاقستانعا سەنىمدىلىگى ارتىپ وتىر - ەلباسى

«قازاقستانعا دۇنيەجۇزىنىڭ ەلدەرى جاقسى كوزقاراسپەن قاراپ وتىر. داعدارىسقا قارسى جيىرما ميلليارد دوللاردان استام قاراجاتتى جۇمساۋ جولدارىن جولداۋدا كورسەتتىم. سونىڭ توعىز ميلليارد دوللارىن حالىقارالىق قارجى ۇيىمدارى قازاقستانعا بەرىپ وتىر. ونداي جاقسىلىقتى ەشكىم كورىپ وتىرعان جوق. دۇنيەجۇزىلىك بانك تە، يسلام بانكى دە، ەۋروپانىڭ بانكى، ازيانىڭ بانكى دە قازاقستانعا سەنىپ وتىر. سونىمەن قاتار قىتاي حالىق رەسپۋبليكاسىمەن دە شارتتارعا قول جەتكىزدىك. لوندونعا، پاريجگە جاساعان ساپارىم، ونداعى قول جەتكىزىلگەن شارتتار، مەنىڭ قىتايعا ساپارىم، جاپون پرەمەرىنىڭ قازاقستانعا كەلۋى وسىنىڭ ءبارى بىزگە دەم بەرەدى. ءبىز جالعىز ەمەسپىز، دۇنيە جۇزىندە قازاقستاندى سىيلايدى، قۇرمەتتەيدى، سەنەدى»، - دەدى ن. نازاربايەۆ.

پرەزيدەنتتىڭ پايىمىنشا، بۇنىڭ ءبارى تاۋەلسىزدىكتىڭ 24 جىلىنداعى جەتىستىكتەر بولىپ تابىلادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى