مەملەكەت باسشىسى بيىلعى جىلدىڭ ەرەكشەلىكتەرىن اتادى

سۇحبات بارىسىندا جۋرناليست بەيسەن قۇرانبەك ەلباسىنان «ءسىز ءۇشىن بيىلعى جىل قالاي بولدى؟ بيىلعى جىلعا قانداي باعا بەرەر ەدىڭىز؟» دەپ سۇراعان بولاتىن.

«تاعى دا ءبىر جىلىمىز تاريح قويناۋىنا ەنەيىن دەپ تۇر. ءبىراق بۇل جىلدىڭ تابىستارى مەن كەمشىلىكتەرى، قيىنشىلىقتارى دا از ەمەس. دەگەنمەن، ەڭ ءبىرىنشىسى - سايلاۋ. سايلاۋدان كەيىنگى بەس ينستيتۋتسيونالدىق رەفورما، ونى حالىققا جاريالاۋ. مىنانداي جاعداي كەلە جاتقانىن ءبىلىپ، سوعان قارسى جاريالانعان ماسەلەنى بىلەسىزدەر. بۇعان قوسا، «نۇرلى جول» باعدارلاماسى دا بار. بۇنىڭ ءبارى حالىققا قاجەتتى دۇنيەلەر. سوندىقتان دا بۇل جىلدىڭ باستى ەرەكشەلىكتەرى وسىلار»، - دەدى ن. نازاربايەۆ.

بۇدان بولەك، ەلباسى قازاق حاندىعىنىڭ 550 جىلدىعى تۇڭعىش رەت اتالىپ وتكەنىنە نازار اۋدارتتى.

«ءبىز بۇگىن عانا اسپاننان سالبىراپ تۇسكەن جوقپىز. قازاق حالقىنىڭ ءوز تاريحى، ءوز جۇرگەن جولى مەن كۇرەسى بار. وسىنىڭ ءبارىن جيناقتاپ، كەلەشەك ۇرپاقتىڭ جادىندا قالدىرۋ ءۇشىن كەڭىنەن اتاپ ءوتىپ، ۇلكەن ءىس جاسادىق دەپ ويلايمىن. بۇل دۇرىس»، - دەدى ەلباسى.

سونىمەن قاتار ن. نازاربايەۆ قازاقستان حالقى اسسامبلەياسىنىڭ جانە اتا زاڭىمىزدىڭ جيىرما جىلدىعىنا دا توقتالىپ ءوتتى. پرەزيدەنتتىڭ ايتۋىنشا، بۇل مەرەيتويلاردىڭ بارلىعى ۇلكەن وقيعالارعا جاتادى.

«شىنىمەن بيىل قيىن جىل بولدى. تالاي داعدارىستار بولدى. ك س ر و كۇيرەگەن كەزدەگى داعدارىس، ازياداعى داعدارىس، سودان كەيىنگى 2007-2009-جىلدارداعى داعدارىس ءوتتى. بۇگىنگىدەي جاعداي بولاتىنىن ءبىز بولجاعان ەدىك، الايدا ءدال وسىنشالىقتى قيىن بولاتىنىن بولجاعان ەمەس ەدىك»، - دەدى ن. نازاربايەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى