جىل سوڭىنا دەيىن رەفورمالار بويىنشا ناقتى شارالار قولعا الىنادى - ەلباسى
بۇگىن مەملەكەت باسشىسى نۇرسۇلتان نازاربايەۆ اعىمداعى جىلدى قورىتىندىلاپ تەلەارنا جۋرناليستەرىنە بەرگەن سۇحباتىندا وسىلاي ءمالىم ەتتى.
مەملەكەت باسشىسى بيىلعى جىلى قازاقستان د س ۇ- عا ەنگەنىن ايتىپ، الداعى جىلدان باستاپ جاڭا ساۋدا-ساتتىق ساياساتى جۇزەگە اساتىن تاريحي كەزەڭ ەكەنىن جەتكىزدى. سونىمەن قاتار پرەزيدەنت ەكىنشى جارتىجىلدىقتا رەفورمالاردى ىسكە اسىرۋ ءۇشىن پارلامەنت قاۋىرت جۇمىس ىستەگەنىنە دە نازار اۋداردى.
«پارلامەنت سەكسەن زاڭ جوباسىن قابىلدادى، كوپشىلىگىنە مەن قول قويدىم. تاپسىرمام بويىنشا، بۇل زاڭدار كەلەسى جىلدىڭ باسىنان ىسكە اسا باستايدى. بۇل رەتتە حالىق وسى ايدىڭ ىشىندە قانداي ۇيىمدار پايدا بولاتىنىن، قانداي شارالار اتقارىلاتىنىن بىلەتىن بولادى. ءبىزدىڭ قارجىلارىمىزدىڭ قالاي ۇنەمدەلۋى دە جۇرتشىلىققا جان-جاقتى بەلگىلى بولادى»، - دەدى ن. نازاربايەۆ.
اۆتور: قانات مامەتقازى ۇلى
