ن.نازاربايەۆ: رەسەي مەن تۇركيا ءۇشىن ەڭ دۇرىس جول - كەلىسسوز
مەملەكەت باسشىسى اڭگىمە بارىسىندا رەسەي توڭىرەگىندە قالىپتاسقان جاعداي قازاقستاندى الاڭداتپاي قويمايتىنىن اتاپ ءوتتى.
«رەسەي ءبىزدىڭ ەڭ جاقىن كورشىمىز، ءبىز ول ەلمەن ءبىر ەكونوميكالىق وداقتا تۇرمىز. رۋبل ديەۆالۆاتسياسىنىڭ قالاي اسەر ەتكەنىن بىلەسىزدەر. ەگەر وسىنداي ولقىلىقتار بولماسا، ءبىزدىڭ ەكونوميكامىز بۇدان جاقسى بولاتىن ەدى. ال قازاقستان تۇركيامەن دە، رەسەيمەن دە جاقسى قارىم-قاتىناستا وتىرمىز. مەن وقيعا باستالعاننان باستاپ، پوزيتسيالاردى جاقىنداتۋعا بارىمدى سالدىم. بۇل ەشكىمگە دە پايدا اكەلمەيدى: رەسەيگە دە، تۇركياعا دا. ەگەر اقىلعا سالساق، بۇل جاعدايدان شىعۋ كەرەك. ال ەڭ دۇرىس جول - كەلىسسوز، كونسەنسۋس»، - دەدى ن.نازاربايەۆ.
اۆتور: قانات مامەتقازى ۇلى
