قازاقستانداعى حالىقتاردىڭ مۋزىكالىق مۇرالارى قامتىلعان ەنتسيكلوپەديا جارىققا شىقتى

بۇل مۋزىكالىق انتولوگياعا قازاقستاندا تۇراتىن جۇزدەن استام ەتنوستاردىڭ اندەرى مەن اسپاپتىق مۇرالارىنىڭ تاڭداۋلى ۇلگىلەرى ەنگەن. حالىق مۋزىكاسى مايەگىندەگى ەلدىك رۋح، بىرلىك تۋىن بەكەم ۇستاعان كوپ ۇلتتى قازاقستان حالقى مەن ونىڭ الۋان ءتۇرلى رۋحانيات نۇسقالارىن ءبىر ارناعا توعىستىرىپ، ورتاق تىنگە اينالدىرا العان ۇلتارالىق سيپاتىمەن ەرەكشەلەنەتىن باسىلىم وتاندىق عىلىمنىڭ ۇلتتىق ونەرتانۋ سالاسىندا العاش رەت قولعا الىنىپ وتىر، دەپ حابارلايدى «الماتى اقشامى».

باسىلىم ەكى بولىمنەن تۇرادى. ءبىرىنشى ءبولىم حالىق شىعارماشىلىعى جانرلارىمەن تانىستىرا وتىرىپ، ءاربىر ەتنوس سازىنىڭ ءتولتۋما بولمىسىن، وزىندىك ەرەكشەلىكتەرىن كورسەتەدى. ەكىنشى بولىمدەگى 28 CD تاسپاعا 330 داي ورىنداۋشى مەن توپتاردىڭ جەتكىزۋىندە 100-دەن استام ەتنوستىڭ 600 دەي مۋزىكالىق فولكلورىنىڭ تاڭداۋلى ۇلگىلەرى توپتاستىرىلعان.

قازاق، ورىس جانە اعىلشىن تىلدەرىندە قۇراستىرىلعان مۋزىكالىق انتولوگيا كوپشىلىك وقىرمان مەن تىڭدارمانعا ارنالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى