ماسكەۋ ورتالىق مۇراجايىنا داڭقتى باتىر تالعات بيگەلدينوۆتىڭ قولا بيۋستى ورناتىلدى - فوتو
بيۋست «بەرلين ءۇشىن شايقاس» ءۇش ولشەمدى پانوراما زالىنا كىرەبەرىستە ورناتىلدى. سەبەبى، وسى بەرليندە جاۋدىڭ كوزىن جويۋ وپەراتسيالارىنا ەپتى باسشىلىق ەتكەنى ءۇشىن كاپيتان تالعات بيگەلدينوۆ «التىن جۇلدىز» مەدالىن ەكىنشى رەت يەلەنگەن ەدى. بۇل تۋرالى جارلىق 1945-جىلى 27- ماۋسىمدا شىقتى.
شارانى قازاقستان مەن رەسەي ەلشىلىگىنىڭ قولداۋىمەن ق ر «گەنەرالدار كەڭەسى» رەسپۋبليكالىق قوعامدىق بىرلەستىگى، كەڭەس وداعىنىڭ باتىرى س. ي. گريتسيەۆ اتىنداعى قور ۇيىمداستىردى. وعان ۇ و س ارداگەرلەرى، كەڭەس وداعىنىڭ جانە ر ف باتىرلارى، مەملەكەتتىك دۋما دەپۋتاتتارى، قازاق دياسپوراسىنىڭ وكىلدەرى، اسكەري اكادەميالار تىڭداۋشىلارى ت. س. س. قاتىستى.
ق ر «گەنەرالدار كەڭەسى» رەسپۋبليكالىق قوعامدىق بىرلەستىگى پرەزيديۋمىنىڭ ءتوراعاسى رۇستەم قايداروۆ باتىردىڭ بيۋستىمەن بىرگە مۇراجايعا تالعات بيگەلدينوۆتىڭ جەكە قۇجاتتارىنىڭ كوشىرمەلەرى تاپسىرىلاتىنىن ايتتى. ءوز كەزەگىندە ورتالىق مۇراجايدىڭ ديرەكتورىنىڭ ورىنباسارى، گەنەرال-مايور ميحايل ميحالچيەۆ وعان زور العىسىن جەتكىزدى.
