قازاقستان كاسىبي بوكس فەدەراتسياسىنىڭ پرەزيدەنتى سايلاندى - فوتو
جيىن بارىسىندا فەدەراتسيانىڭ پرەزيدەنتتىگىنە ق ر پرەزيدەنتى تەلەراديوكومپانياسىنىڭ باس ديرەكتورى ەرلان بەكحوجين سايلاندى.
«قازاقستان بوكسىنىڭ ءبىتىم- بولمىسى ەرەكشە. جەتكەن جەتىستىگىمىزبەن توقتاماۋىمىز كەرەك. ءبىزدىڭ سپورتشىلارىمىز ءالى دە شەبەرلىگىن شىڭداۋى كەرەك. سوڭعى الەم چەمپيوناتى سونى كورسەتتى. كوپ ەلدىڭ مەنەدجەرلەرى ءبىزدىڭ سپورتشىلارعا كوز سالىپ ءجۇر. ەندى ولاردان كوز جازىپ قالماي، قاجەتتى باعىتتا جۇمىس ىستەۋ ماڭىزدى»، - دەدى بوكستان ازيا كونفەدەراتسياسىنىڭ پرەزيدەنتى سەرىك قوناقبايەۆ.
ول فەدەراتسيانىڭ جاڭا باسشىلىعى بوكس سالاسىن دامىتۋعا ءوز ۇلەسىن قوسارىنا سەنىمىن ءبىلدىردى.
سونداي-اق، جيىن بارىسىندا كوللەدجدە 1980 -جىلعى وليمپيادانىڭ كۇمىس جۇلدەگەرى ۆيكتور دەميانەنكونىڭ كاسىبي بوكسەرلىك كلۋبى اشىلدى.
«بۇگىندە قاتتى، ادۋىندى شابۋىلعا كوشۋ كەرەك. مۇنداي زالدار كاسىبي رينگتە جاڭا ەسىمدەردى ەستۋىمىزگە سەپتىگىن تيگىزەدى»، - دەدى س. قوناقبايەۆ.
كاسىبي ارەنادا قازاقستاننىڭ نامىسىن قورعاپ جۇرگەن قانات يسلام كلۋب تاربيەلەنۋشىلەرىنە شەبەرلىك ساعاتىن وتكىزدى.
اۆتور: گۇلميرا عوسمان-ءالي
