قازاقستانداعى جاڭا كادرلىق تاعايىنداۋ

اتالعان ۆەدومستۆولاردىڭ باسشىلارى دا مەملەكەت باسشىسىنىڭ جارلىعىمەن تاعايىندالدى. مۇنان بولەك، وسى اپتادا ق ر پرەزيدەنتى اكىمشىلىگى باسشىسىنىڭ ورىنباسارى، ق ر پرەزيدەنتىنىڭ كومەكشىسى، ق ر جوعارعى سوتى كەڭەسىنىڭ ءتوراعاسى تاعايىندالعانى بەلگىلى بولدى. قازاقپارات وسى جانە وزگە دە تاعايىنداۋلارعا شولۋ جاسايدى.

سونىمەن مەملەكەت باسشىسى نۇرسۇلتان نازاربايەۆتىڭ جارلىعىمەن تالعات سوۆەتبەك ۇلى دوناقوۆ قازاقستان رەسپۋبليكاسىنىڭ مەملەكەتتىك قىزمەت ىستەرى ءمينيسترى بولىپ تاعايىندالدى.

ت. دوناقوۆ 1965 -جىلى تۋعان. س. م. كيروۆ اتىنداعى قازاق مەملەكەتتىك ۋنيۆەرسيتەتىن، ك س ر و عىلىم اكادەمياسىنداعى مەملەكەت جانە قۇقىق ينستيتۋتىنىڭ اسپيرانتۋراسىن بىتىرگەن. ماماندىعى بويىنشا - زاڭگەر. زاڭ عىلىمدارىنىڭ كانديداتى عىلىمي اتاعى بار، اعىلشىن ءتىلىن مەڭگەرگەن. رەسپۋبليكا عىلىم اكادەمياسىنىڭ مەملەكەت جانە قۇقىق ينستيتۋتىنىڭ كىشى عىلىمي قىزمەتكەرى، عالىم- حاتشىسى بولىپ جۇمىس ىستەدى. 1992-1994 -جىلدارى قازاقستان رەسپۋبليكاسى جوعارعى كەڭەسى ءتوراعاسىنىڭ كەڭەسشىسى، كومەكشىسى، كەيىننەن زاڭناما، قۇقىقتىق ساراپتاۋ جانە تالداۋ ماسەلەلەرى ءبولىمى مەڭگەرۋشىسىنىڭ ورىنباسارى بولدى. پرەزيدەنت اكىمشىلىگىنىڭ مەملەكەتتىك قۇقىق ءبولىمىنىڭ سەكتور مەڭگەرۋشىسى، ءبولىم مەڭگەرۋشىسىنىڭ ورىنباسارى، ءبولىم مەڭگەرۋشىسىنىڭ ءبىرىنشى ورىنباسارى لاۋازىمدارىندا قىزمەت اتقاردى. ادىلەت ءبىرىنشى ۆيتسە-ءمينيسترى، پرەزيدەنت اكىمشىلىگىنىڭ مەملەكەتتىك قۇقىق ءبولىمىنىڭ مەڭگەرۋشىسى، قازاقستان رەسپۋبليكاسى جوعارى سوت كەڭەسىنىڭ ءتوراعاسى لاۋازىمدارىنا تاعايىندالعان. 2008 -جىلعى قازاننان - قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى.

جاڭادان قۇرىلعان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسشىلىعىنا قايرات پەرنەش ۇلى قوجامجاروۆ كەلدى. ول 1965 -جىلى تۋعان. ا. جدانوۆ اتىنداعى لەنينگراد مەملەكەتتىك ۋنيۆەرسيتەتىن بىتىرگەن. 1987 -جىلدان باستاپ 1995 -جىلعا دەيىن قازاقستان رەسپۋبليكاسى پروكۋراتۋراسىنىڭ ورگاندارىندا قىزمەت ەتكەن. 1995 -جىلعى قىركۇيەكتەن باستاپ 1998 -جىلعى ناۋرىزعا دەيىن كەدەن ورگاندارىندا قىزمەتتە بولعان. 1999 -جىلعى شىلدەدەن باستاپ وسى ۋاقىتقا دەيىن قارجى پوليتسياسى ورگاندارىندا قىزمەت ەتتى. ءار ءتۇرلى لاۋازىمداردا: 2001 -جىلعى اقپاننان باستاپ اگەنتتىكتىڭ تەرگەۋ باسقارماسىنىڭ باستىعى، 2002 -جىلعى اقپاننان باستاپ 2004 -جىلعى مامىرعا دەيىن الماتى قالاسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليتسياسى) باستىعىنىڭ ورىنباسارى، 2004 -جىلعى مامىردان باستاپ 2007 -جىلعى قاڭتارعا دەيىن اقتوبە وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليتسياسى) باستىعى، 2007 -جىلعى قاڭتاردان باستاپ 2008 -جىلعى جەلتوقسانعا دەيىن قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) ءتوراعاسىنىڭ ورىنباسارى بولدى. 2008 -جىلعى جەلتوقسان ايىنان باستاپ قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسى قىزمەتىن اتقاردى. كەيىن اقمولا وبلىسىن باسقاردى. جاڭا قىزمەتكە تاعايىندالعانعا دەيىن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قىزمەتىن اتقاردى. قارجى پوليتسياسىنىڭ گەنەرال- مايورى. 2 -دارەجەلى «داڭق» وردەنىمەن، رەسەي فەدەراتسياسىنىڭ "زا ناشۋ پوبەدۋ" وردەنىمەن جانە ءبىرقاتار مەدالدارمەن ماراپاتتالعان.

ال قر پرەزيدەنتى اكىمشىلىگى باسشىسىنىڭ ورىنباسارى قىزمەتىنە كەلگەن مارات باقىتجان ۇلى بەكەتايەۆ 1977 -جىلى تۋعان. قازاق مەملەكەتتىك زاڭ ۋنيۆەرسيتەتىن، لوندون ەكونوميكا جانە ساياسي عىلىمدار مەكتەبىن بىتىرگەن، ماماندىعى بويىنشا - زاڭگەر، قۇقىقتانۋ ماستەرى. «بولاشاق» باعدارلاماسىنىڭ تۇلەگى، اعىلشىن ءتىلىن مەڭگەرگەن. ەڭبەك جولىن قازاقستان رەسپۋبليكاسىنداعى بريتان كەڭەسىنىڭ زاڭگەرى بولىپ باستاعان. سىرتقى ىستەر مينيسترلىگىنىڭ «ديپلوماتيالىق كورپۋسقا قىزمەت كورسەتۋ باسقارماسى» جاق سەكتور مەڭگەرۋشىسى، ءبولىم باستىعى بولىپ جۇمىس ىستەدى، كەيىن مەملەكەتتىك قىزمەت ىستەرى اگەنتتىگىنىڭ باسقارما باستىعى بولدى. ەۋرازيالىق مەملەكەتتىك قىزمەتشىلەردى وقىتۋ ورتالىعى ديرەكتورىنىڭ ورىنباسارى لاۋازىمىندا قىزمەت اتقاردى. قازاقستان رەسپۋبليكاسى پرەمەر-ءمينيسترى ورىنباسارىنىڭ كەڭەسشىسى، پرەمەر- ءمينيستردىڭ كەڭەسشىسى بولدى. ادىلەت ۆيتسە- ءمينيسترى قىزمەتىنە تاعايىندالدى. 2010 -جىلعى ساۋىردەن - قازاقستان رەسپۋبليكاسى ادىلەت مينيسترلىگىنىڭ جاۋاپتى حاتشىسى.

ق ر پرەزيدەنتى كومەكشىسى قىزمەتىنە كىرىسكەن ءاليحان اسحان ۇلى سمايىلوۆ 1972 -جىلى تۋعان. ءال- فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ مەنەدجمەنت، ەكونوميكا جانە بولجاۋ ينستيتۋتىن بىتىرگەن. ماماندىعى بويىنشا - ماتەماتيك، مەملەكەتتىك باسقارۋ ماگيسترى. اعىلشىن ءتىلىن مەڭگەرگەن. ەڭبەك جولىن «ا- ينۆەست» ينۆەستيتسيالىق جەكەشەلەندىرۋ قورىنىڭ باعالى قاعازدار جونىندەگى باس مامانى بولىپ باستادى. 1996-1998 -جىلدارى قازاقستان رەسپۋبليكاسى ۇلتتىق ستاتيستيكا اگەنتتىگىنىڭ باس باسقارماسى باستىعىنىڭ ورىنباسارى، باسقارما باستىعى بولىپ جۇمىس ىستەدى. پرەزيدەنت اكىمشىلىگىنىڭ الەۋمەتتىك- ەكونوميكالىق تالداۋ ءبولىمىنىڭ سەكتور مەڭگەرۋشىسى، ۇيىمداستىرۋ- باقىلاۋ ءبولىمىنىڭ مەملەكەتتىك ينسپەكتورى لاۋازىمدارىندا قىزمەت اتقاردى. «ەكسپورتتى كرەديتتەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» ا ق، «كازاگرو» ۇلتتىق حولدينگى» ا ق باسقارما ءتوراعاسى بولدى. سىرتقى ىستەر ۆيتسە- ءمينيسترى، قارجى ۆيتسە- ءمينيسترى، ستاتيستيكا اگەنتتىگىنىڭ ءتوراعاسى لاۋازىمدارىنا تاعايىندالعان. 2014 -جىلعى تامىزدان - قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا اگەنتتىگىنىڭ ءتوراعاسى.

ق ر پرەزيدەنتى جارلىعىمەن ق ر جوعارعى سوتى كەڭەسىنىڭ ءتوراعاسى بولعان اناتوليي سەرگەيەۆيچ سمولين 1959 -جىلى تۋعان. سۆەردلوۆسك زاڭ ينستيتۋتىن بىتىرگەن. ماماندىعى بويىنشا - زاڭگەر. كوكشەتاۋ وبلىسى كراسنوارمەيسك اۋداندىق حالىقتىق سوتىنىڭ سۋدياسى، ءتوراعاسى، سولتۇستىك قازاقستان وبلىسىنىڭ تايىنشا اۋداندىق سوتىنىڭ ءتوراعاسى بولىپ جۇمىس ىستەدى.

1998-2002 -جىلدارى سولتۇستىك قازاقستان وبلىستىق سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى بولدى. قازاقستان رەسپۋبليكاسى جوعارعى سوتىنىڭ سۋدياسى، قاداعالاۋ القاسىنىڭ ءتوراعاسى لاۋازىمدارىندا قىزمەت اتقاردى. 2010 -جىلعى اقپاننان - قازاقستان رەسپۋبليكاسى جوعارعى سوتىنىڭ سۋدياسى.

سونىمەن قاتار وسى اپتادا مەملەكەت باسشىسى نۇرسۇلتان نازاربايەۆتىڭ وكىمىمەن قازاقستان رەسپۋبليكاسى ۇلتتىق بانكى ءتوراعاسىنىڭ ورىنباسارلارى قىزمەتىنە الپىسباي راحمەتوللا ۇلى احمەتوۆ، عالىمجان ولجاي ۇلى پيرماتوۆ تاعايىندالعانى بەلگىلى بولدى.

مۇسا تۇرمان ۇلى تانابايەۆ قر ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ «كاسىبي اسكەريلەندىرىلگەن اۆاريالىق- قۇتقارۋ قىزمەتى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى باسشىسى بولىپ تاعايىندالدى. مۇسا تۇرمان ۇلى 1965 -جىلعى 1 -اقپاندا جەزقازعان وبلىسىنىڭ جەزقازعان كەنتىندە دۇنيەگە كەلگەن. 1987 -جىلى قازاق پوليتەحنيكالىق ينستيتۋتىن «تاۋ- كەن ينجەنەر- ەلەكتريگى» ماماندىعى جانە 1994 -جىلى قاراعاندى مەملەكەتتىك ۋنيۆەرسيتەتىن ەكونوميست ماماندىعى بويىنشا بىتىرگەن، ەكونوميكا عىلىمدارىنىڭ كانديداتى. 2006-2008 -جىلدارى جەزقازعان قالاسىنىڭ اكىمى.

2008-2010 -جىلدارى توتەنشە جاعدايلاردى جانە ونەركاسىپتىك قاۋىپسىزدىكتى مەملەكەتتىك باقىلاۋ كوميتەتىنىڭ مۇنايگاز ونەركاسىبىن مەملەكەتتىك باقىلاۋ باسقارماسىنىڭ باستىعى بولىپ قىزمەت ەتتى. 2010-2011 -جىلدارى قازاقستان رەسپۋبليكاسى توتەنشە جاعدايلار مينيسترلىگىنىڭ وڭتۇستىك قازاقستان وبلىسى بويىنشا توتەنشە جاعدايلار دەپارتامەنتى باستىعىنىڭ ورىنباسارى. 2011-2013 -جىلدارى قازاقستان رەسپۋبليكاسى توتەنشە جاعدايلار مينيسترلىگىنىڭ توتەنشە جاعدايلاردى جانە ونەركاسىپتىك قاۋىپسىزدىكتى مەملەكەتتىك باقىلاۋ كوميتەتى ءتوراعاسىنىڭ ورىنباسارى بولدى.

2013 -جىلعى ناۋرىزدان 2014 -جىلعى قاراشاعا دەيىن قوستاناي وبلىسى بويىنشا توتەنشە جاعدايلار دەپارتامەنتىنىڭ باستىعى لاۋازىمىندا قىزمەت ەتتى. 2014 -جىلعى قاراشادان قازىرگى ۋاقىتقا دەيىن قازاقستان رەسپۋبليكاسى ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ قوستاناي وبلىسى بويىنشا دەپارتامەنتى» مم باسشىسى لاۋازىمىن اتقاردى. مەملەكەتتىك جانە حالىقارالىق ناگرادالارى، سىيلىقتارى، قۇرمەتتى اتاقتارى: قازاقستان رەسپۋبليكاسى پرەزيدەنتىنىڭ العىس حاتى، «قازاقستان رەسۋپبليكاسىنىڭ تاۋەلسىزدىگىنە 20 -جىل» مەرەيتويلىق مەدالى، «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن» مەدالى، I، Ⅱ دارەجەلى جانە  Ⅲدارەجەلى «ەڭبەك داڭقى» توسبەلگىسى، «توتەنشە جاعدايلار جۇيەسىن دامىتۋعا قوسقان ۇلەسى ءۇشىن» توسبەلگىسى، «ەرەن ەڭبەگى ءۇشىن» بەلگىسى.

شىعىس قازاقستان وبلىسى ءبىلىم باسقارماسىنا جاڭا باسشى تاعايىندالدى. ول - ش ق و جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قىزمەتىندە بولعان ايجان سىزدىقوۆا. د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە جۇمىس ىستەگەن ايجان سادىقوۆا ش ق و ءبىلىم بەرۋ دەپارتامەنتى باستىعىنىڭ ورىنباسارى، ءبىلىم بەرۋ باسقارماسى باستىعىنىڭ ورىنباسارى بولعان.

«اتامەكەن» ق ر ۇ ك پ ءتوراعاسىنىڭ جاڭا ورىنباسارى تاعايىندالدى. بۇل قىزمەتكە تولەمىس شوتانوۆ كەلدى. ول بۇرىن پالاتانىڭ اقتوبەلىك ديرەكتسياسىنا باسشىلىق ەتكەن بولاتىن، كەيىن وڭىرلىك دامۋ دەپارتامەنتىنىڭ باسقارۋشى ديرەكتورى - ديرەكتور لاۋازىمىندا بولدى.

الماتى وبلىسى كاسىپكەرلەر پالاتاسىندا دا وزگەرىستەر ورىن الدى. وندا و ك پ وڭىرلىك كەڭەسىنىڭ جاڭا ءتوراعاسى بولىپ ريمما سالىقوۆا سايلاندى. ول وڭىرگە تانىمال تۇلعا، الماتى وبلىسى ىسكەر ايەلدەر قاۋىمداستىعىن باسقارادى، الماتى وبلىسى اكىمىنىڭ جانىنداعى ايەلدەر ءىسى جانە وتباسى-دەموگرافيالىق ساياسات جونىندەگى كوميسسيا مۇشەسى، «نۇر وتان» پارتياسى ساياسي كەڭەسىنىڭ مۇشەسى، «الماتى بوياۋلارى» ج ش س ديرەكتورى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى