بولاشاق مۇعالىمدەر وقۋعا ءتۇسۋ ءۇشىن شىعارماشىلىق ەمتيحان تاپسىراتىن بولدى
بۇل تۋرالى بۇگىن ق ر ءبىلىم جانە عىلىم مينيسترلىگىنىڭ جاۋاپتى حاتشىسى ءامىرحان راحىمجانوۆ ءمالىم ەتتى.
«پەداگوگيكالىق ماماندىققا ساپالى قابىلداۋ جۇيەسىن ەنگىزۋ ماقساتىندا 2016 -جىلدىڭ 1 -قاڭتارىنان باستاپ، پەداگوگيكالىق فاكۋلتەتتەردە شىعارماشىلىق ەمتيحان ەنگىزىلەدى. بۇل ەمتيحان تۇلەكتەردىڭ پەداگوگيكالىق ماماندىققا دەگەن بەيىمدىلىگىن انىقتاماق»، - دەدى ول استانادا وتكەن مينيسترلىكتىڭ القا ماجىلىسىندە.
ونىڭ ءسوزى بويىنشا، ق ر ءبىلىم جانە عىلىم مينيسترلىگى ەمتيحاندى ەنگىزۋدىڭ نەگىزگى تەتىكتەرىن جاساۋدا.
«اتالمىش نورما ۇستازدىڭ بەدەلىن ارتتىرۋدىڭ باستى پرينتسيپتەرىن ەسكەرەدى جانە تۇلەكتەردىڭ وسىناۋ قادىرلى ماماندىققا دەگەن بەيىمدىلىگىن انىقتايتىن بولادى»، - دەپ ءتۇيدى ءسوزىن ا. راحىمجانوۆ.
اۆتور: جاسۇلان جولدىبايەۆ
